Nazim Bllaca, njëri nga njerëzit më të përfolur në Kosovë si dëshmitar i disa proceseve gjyqësore në Kosovën e pasluftës, është dënuar me 6 muaj burg nga Gjykata Themelore në Ferizaj.
Në një proces tërësisht të mbyllur për publikun, Bllaca është dënuar me 6 muaj burg nga Gjykata në Ferizaj për veprën penale të legalizimit të përmbajtjes së pavërtetë.
Lajmin për dënimin e Bllacës për KALLXO.com e konfirmoi avokati i tij, Burhan Qosa.
Në përgjigjet e dërguara nga Qosa për KALLXO.com përmes e-mailit tha se klienti i tij ka refuzuar shndërrimin e dënimit në të holla sepse beson në pafajsinë e tij.
“Klienti im, më 08.03.2017, nga Gjykata Themelore Ferizaj, sipas aktakuzës së cekur më lartë, është dënuar me 6 muaj burgim, për të cilin dënim me burgim Gjykata Themelore Ferizaj, para se ta shpallë aktgjykimin burimor, i ka dhënë mundësin klientit tim që ky i fundit të deklarohet nëse dënimin prej 6 muajve burgim pranon që ta shndërroj në dënim me gjobë”, tha Qosa.
Qosa kundërshtoi vendimin e Gjykatës duke e cilësuar atë si të pabazuar.
“Shpallja fajtor e tij në rastin konkret është absolutisht e padrejtë dhe rrjedhë nga një akt akuzues të pa bazuar në prova si dhe nga një gjykim jo objektiv”, tha Qosa.
Ai tha se Bllaca ka mbetur i habitur me vendimin e Gjykatës.
“Si ka mundësi që në dispozitivin e aktakuzës në fjalë, organi i akuzës e ka potencuar se, në ditën kritike i mbrojturi im, në Gjykatën Komunale Ferizaj me autorizime të falsifikuara të precizuara si në aktakuzë, ka vë në lajthim organin kompetent dhe ka vërtetuar kontratën e shitblerjes me nr. 1756/07 më dt.02.05.2007, dhe se nga ai organ nuk është ngritur apo nuk i është propozuar gjykatës e cila mund të kishte kompetencë që të ngrij aktakuzë në rastin konkret Gjykatës Themelore Prishtinë-Dega në Lipjan, për veprën falsifikim të atyre autorizimeve, pasi që paraprakisht mendojmë se në rastin konkret është dashtë të vërtetohet se kush ishte personi i cili i kishte falsifikuar ato autorizime e më pastaj vetëm atëherë kur të ishte vërtetuar se ishte Nazim Bllaca ai që i kishte përpiluar dhe vërtetuar vetë ato autorizime ndaj këtij të fundit mund të ishte iniciuar edhe procedurë penale për veprën për të cilën tani akuzohet ai”, tha Qosa për KALLXO.com.
Qosa më tej thotë se edhe më kontestues vendimin e bën fakti se autorizimet për të cilat u dënua Bllaca i kishte marrë nga një person tjetër dhe ishin të vërtetuara me vulë të gjykatës.
“Për kundër asaj se Nazim Bllaca që para se të ngritej aktakuza nga Prokuroria Themelore Ferizaj PP.nr.2357/2011 dt.26.04.2013, për veprën penale Legalizim i përmbajtjes së pavërtetë nga neni 334 par. 1 të KPRK-së, i njëjti kishte deklaruar se autorizimet të cilat tani më janë vërtetuar se ishin të falsifikuar, i kishte marrë nga G.R, me banim në Graçanicë i cili ishte prezantuar para të mbrojturin tim, si përfaqësues i një agjencioni të patundshmërive, të cilat autorizime mbajnë vulën e vërtetësisë së Ish Gjykatës Komunale në Lipjan”, tha Qosa.
Avokati u shpreh u bindur se ky vendim do të shfuqizohet nga Gjykata e Apelit e cila, sipas tij, do ta anulojë vendimin e Gjykatës në Ferizaj.
Sipas aktakuzës, Bllaca dyshohet se në vitin 2007 ka vënë në lajthim organin kompetent për vërtetimin e kontratave në Gjykatën Komunale në Ferizaj, duke prezantuar dokumente publike të falsifikuara, më konkretisht autorizime, gjoja të vërtetuara në Gjykatën Komunale në Lipjan, dhe më pas me anë të këtyre autorizimeve ka legalizuar një kontratë të shitblerjes në maj të vitit 2007.
KALLXO.com ka raportuar lidhur me këtë rast edhe në fazat e mëhershme të gjykimit.
Promo
Reklamo këtuLufta Prigozhin - Putin
Më shumëNga Rubrika
Gjykata Speciale, edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
Regjistrohet edhe kryeministri Kurti: Ishte proces i thjeshtë dhe i shpejtë
“Kushtëzimi” i anëtarësimit të Kosovës në KiE, Musliu-Shoshi: Ndërkombëtarët nuk po kërkojnë asgjë çka nuk është dakorduar Kurti në marrëveshjen e Ohrit
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vihet gurthemeli i dy klinikave në QKUK – vlera e tyre arrin mbi 4 milionë euro
Shtëpia-muze që ruan dhimbjet e viktimave të masakrës së Poklekut
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit