LAJMI I FUNDIT:

Dënimi i Gogajt me 7 vjet e gjysmë burgim, monitorues të rastit dyshojnë për ndërhyrje në proces

Dënimi i Gogajt me 7 vjet e gjysmë burgim, monitorues të rastit dyshojnë për ndërhyrje në proces

Gjykata Themelore në Pejë ka marrë vendim që Shaban Gogaj të dënohet me 7 vjet e gjysmë burgim për vrasjen e Agonis Tetaj. Ky rast është cilësuar si vrasje nga pakujdesia, si dhe për veprën penale “Armëmbajtje pa leje”.

Monitoruesja e rastit nga shoqëria civile për këtë rast, Virtyte Gërvalla, ka komentuar vendimin e gjykatës së Themelore në Pejës në FIVE në RTV Dukagjini.

Gërvalla ka thënë se të gjitha situatat që kanë sjellë deri në këtë vendim, ngritin hije dyshimi se ka qenë proces i njëanshëm.

Duke filluar nga përjashtimi i Prokurorisë së Pejës nga ky rast, me vendim të kryeprokurorit të Pejës.

“Asnjëherë nuk kemi marr asnjë arsyetim pse është dashtë më u përjashtua krejt Prokuroria e Pejës”, ka thënë Gërvalla, dhe me këtë rasti të kalojë në Prokurorinë e Gjilanit.

Ajo ka thënë se edhe prokurori Ali Uka, i cili e ka bërë rikualifikimin nga vrasje e rëndë në vrasje nga pakujdesia, është parë në një rast kontrovers, ku shihet duke pirë kafe me avokatin mbrojtës së palës së akuzuar.

Gërvalla shtoi se nuk mund të thuhet se këtë në takim e kanë diskutuar, diçka që mund të ndryshojë rrjedhën e rastit.

Por, se “prokurori Ali Uka ka thënë se aty ka qenë prezent edhe tash kryesuesi i Këshillit Prokurorial, Jetish Maloku”, ka thënë Gërvalla.

E ky i fundit, sipas Gërvallës nuk ka dalë të deklarojë se çka është diskutuar në atë takim, pse ka ndodhë ky takim në mënyrë që me i ndalë dyshimet për paanësi rreth këtij procesi gjyqësor.

Ndryshe, vendimin e Gjykatës së Pejës e ka kundërshtuar edhe Prokuroria Themelore në Gjilan.

Përmes një komunikate, kjo prokurori ka njoftuar se do të ushtrojë ankesë ndaj vendimit të Gjykatës Themelore të Pejës, duke mos u pajtuar me cilësimin juridik të veprës penale “Vrasje nga pakujdesia”, transmeton Telegrafi.

Sipas kësaj prokurorie ky rast duhet të ricilësohet në vepër penale “Vrasje e rëndë”.

Edhe ministrja e Drejtësisë, Albulena Haxhiu, e ka quajtur të padrejtë dhe skandaloz vendimin e Gjykatës Themelore në Pejë ndaj Shaban Gogajt. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori