Dëmshpërblim prej 65.000 euro për të akuzuarin në rastin “Monstra”

Sejdi Rami, i cili u arrestua në vitin 2012 si pjesë e një grupi që kreu vrasjen pesëfish në Liqenin e Smilkovcës, ka kaluar më shumë se 2 vjet në paraburgim, ose saktësisht 750 ditë, duke u përballur me burg të përjetshëm.

Megjithatë, në verën e vitit 2014, Rami mori aktgjykim për lirim, sepse gjykata nuk gjeti ndonjë provë të fortë për të dëshmuar fajin e tij.

Për të gjitha ato që mbijetoi, ky shkupjan nga shteti kërkoi dëmshpërblim prej 5.1 milion euro, por gjykata e shkallës së parë atij i caktoi një shumë prej 65.040 euro, ose 87 për çdo ditë të kaluar në burg.

“Me aktgjykimin është i obliguar i dënuari në bazë të kompensimit të dëmit material për shkak të vuajtjes të lëndimeve për shkak të arrestimit të pabazë t’i paguhet të paditësit një shumë prej 4.000.000 denarë me kamatë penaliteti nga dita e aktgjykimit më 22.01.2019”, thonë për “Fokus” nga Gjykata Themelore.

Siç njoftojnë nga gjykata, ky aktgjykim nuk është akoma i formës së prerë, domthënë gjendet në ankesën e Gjykatës së Apelit./Telegrafi/