Deloitte, ka pritur përfaqësuesit e kompanive që janë pjesë e programit CE #Fast50.

Bëhet fjalë për një program që njeh dhe profilizon kompanitë e teknologjisë me rritje të shpejtë në rajon, transmeton Telegrafi.

E për herë të parë në këtë program, kanë arritur të kualifikohen edhe dy kompani nga Kosova, Gjirafa Inc, në vendin e 11-të në kategorinë kryesore CE Fast 50 me një rritje prej 1.509% si dhe Frakton në vendin e 16-të në kategorinë Rising Star me një rritje prej 336%.

Deloitte ka prezantuar edhe një kategori të re në programin Fast 50 – Impact Star që vlerëson kompanitë që në mënyrë të suksesshme lidhin produktet/shërbimet e tyre me një ndikim pozitiv në shoqëri, biznes, inovacion, mjedis apo diversitet midis punonjësve – si dëshmi se këto kompani kanë një dimension të qartë etik në zemër të modelit të tyre të biznesit.

E kompanitë e nominuara nga Kosova për këtë çmim janë: Asseco-See sh.p.k., Cacttus Sha si dhe 3CIS JSC. /Telegrafi/