Deklarata skandaloze e Amosit për Luizin: Do ta dërgoja në mal, do ta zhvishja lakuriq dhe ta xhiroja

Ngjarjet në Big Brother VIP Albania çdo ditë e më shumë po sjellin dinamika mes banorëve madje disa prej tyre duke kaluar edhe limitet.

Së fundmi, e tilla ka qenë edhe një deklaratë e Amosit për Luizin, i cili në ato momente nuk ishte i pranishëm.

Derisa pjesa më e madhe e banorëve ndodheshin së bashku nuk kanë munguar diskutimet rreth Luizit, që po sulmohet prej ditësh nga pothuajse secili brenda shtëpisë së famshme.

Amosi teksa po bisedonte me Kristin iu drejtua duke i thënë “e di se çfarëdo t’i bëja (Luizit)?”, më pas Kristi i kthehet duke e pyetur nëse ‘do ta vriste?’.

Tutje, Amosi vazhdon duke e shpjeguar atë që do t’i bënte Luizit, e që ishte një torturë për të dhe shprehet se ai e meriton një trajtim të atillë.

“Jo nuk do ta vrisja, e di unë çfarë do t’i bëja, atë që meriton. Do ta dërgoja në mal, do ta zhvishja lakuriq, do ta xhiroja, do t’i thoja kërko falje dhe pastaj do ta shihje nëse i jep gojës më, nuk po them se do i fusja plumb kokës”, thotë Amos.

Kjo deklaratë dhe disa të tjera po konsiderohen si bullizuese dhe të tepruara të personazhet VIP që këtë vit janë bërë pjesë e BBVA.

@luiz.kryefjala #bigbrothervipalbania #luizejlli #bigbrother #luizkiara #luizkiara❤️ #kiaraluiz #fyp #teamluiz #viral #bigbrotheralbaniavip #luizejlliofficialfans #❤️ ♬ original sound – Luizkryefjala

Ndërkohë, mbrëmë (e hënë) në shtëpinë ka arritur një “zarf i zi” nga “Vëllai i Madh”, por që ende nuk kanë dhënë urdhër që të hapet dhe nuk dihet nëse do të ketë masa pikërisht për sjelljet tronditëse të disa prej banorëve. /Telegrafi/