Raporti vjetor i Departamentit amerikan të Shtetit ka lavdëruar Kushtetutën e Kosovës sa i përket lirive fetare duke thënë qysh në përmbajtje të raportit për vitin 2015 se “Kushtetuta ndalon diskriminimin fetar dhe ofron liri për besimtarët”.
Por, megjithëse në aspektin ligjor Kosova qëndron mirë, raporti vjetor i DASH potencon jo pak incidente me karakter fetar, ndonëse aty thuhet që shpesh për shkak të situatës në vend është e vështirë të ndash problemet që kanë karakter etnik dhe atë fetar.
Kjo ndodhë sidomos me rastet e komunitetit serb për shkak të asaj që në Kosovë, Kisha Ortodokse Serbe shikohet edhe nga këndvështrimi etnik, e jo patjetër atë fetar, transmeton Rel.
Qeveria dhe pushteti në Kosovë ka ndërmarrë disa veprime që të parandalojë ekstremizmin e dhunshëm fetar në Kosovë duke bashkëpunuar me komunitetin mysliman thuhet në raport, por incidentet sidomos ndaj disa grupeve të caktuara myslimane kanë vazhduar edhe vet brenda Bashkësisë Islame të Kosovës.
“Më 13 nëntor, Bashkësia e Tarikateve të Kosovës ka thënë se dervishët e tyre janë ‘përzënë ashpërsisht’ nga Xhamia e Pehlivanit në Pejë nga Imami i Bashkësisë Islame të Kosovës, Enes Goga”, thuhet në raportin e Departamentit Amerikan të Shtetit i cili kujton se i njëjti në shtator të vitit 2014 është arrestuar me akuzën se predikon ekstremizëm, jo tolerancë fetare dhe urrejtje racore.
Raporti më tej e përmend se Shejhi i Tarikatit Halveti, Ardian Juniku është ankuar në Bashkësinë Islame të Kosovës edhe për shkak të publikimeve në YouTube të Imamit “Enes Goga ku ai bënë thirrje për përjashtimin e të gjithë pjesëtarëve të Bashkësisë së Tarikateve të Kosovës nga të gjitha xhamitë”.
Raporti gjithashtu përmend që më 19 qershor një imam në fshatin Llapushnik të Gllogocit së bashku me disa besimtarë e kanë shkatërruar një mur që rrethonte një zonë ndërtimi për varrezave katolike dhe të një kishe në këtë fshat.
Bashkësia e Tarikateve të Kosovës gjithashtu ka raportuar edhe incidente të tjera, përfshirë edhe dëmet e mëdha të shkaktuara qëllimisht ndaj varrit të një shenjtoreje Sufi nga shekulli i 15-të.
Policia e Kosovës ndërkaq, deri në muajin gusht ka regjistruar 34 incidente për uzurpim, vjedhje apo dëmtim të pronave të Kishës Ortodokse Serbe.
“Demonstruesit shqiptarë etnik, me dyshimin se janë organizuar nga politikanë, kanë gjuajtur me gurë kanë bërë përpjekje që të ndalojnë pelegrinët ortodoksë serbë që të marrin pjesë në meshën e krishtlindjeve ortodokse në Kishën Serbe në qytetin e Gjakovës”, përmendet një nga incidentet në kuadër të raportit.
Raporti i Departamentit amerikan të Shtetit gjithashtu e potencon dështimin e autoritetit në Kosovë të miratojë projektligjin që mundëson regjistrimin e grupeve fetare.
Ndërkaq në Shqipëri, raporti i DASH vlerëson se shteti mban qëndrim neutral duke garantuar liritë e grupeve fetare, bile i financon edhe katër nga pesë komunitetet fetare të njohura zyrtarisht sipas shtetit shqiptar.
Ankesat kryesore të grupeve fetare në Shqipëri megjithatë kanë të bëjnë me zgjidhjen e kontesteve pronësore mbi të cilat kanë pretendime këto komunitete.
Raporti i Departamentit Amerikan të Shtetit për Liritë Fetare gjatë vitit 2015 vlerëson se në botë, shkelësit më të mëdhenj të lirive fetare janë organizatat ekstremiste, Shteti Islamik dhe Boko Haram.
Lufta Prigozhin - Putin
Më shumëNga Rubrika
“Vetëm liria është më e shtrenjtë se jeta”, Kurti citon pjesë të intervistës që heroi Ilaz Kodra që kishte dhënë për një televizion gjerman
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
KSHZ-ja rrumbullaksoi karvanin edukativ në Rajonin e Tetovës dhe Manastirit
A po kushtëzohet anëtarësimi i Kosovës në Këshill të Evropës me themelimin e Asociacionit?
Mentor Latifi emërohet ambasador i Kosovës në Zvicër
Vrasja në tentativë në Lupç të Podujevës, Policia jep detaje
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kurti: Kosova e gatshme për statusin e kandidatit dhe hapjen e negociatave për anëtarësim në BE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit