Danielson: 2025 nuk është vit i gdhendur në gur për zgjerimin e BE-së

Drejtori i përgjithshëm i Komisionit Evropian përgjegjës për zgjerimin, Christian Danielsson, duke komentuar propozimin e ardhshëm të buxhetit evropian ku nuk janë parapa mjete për anëtare të reja në BE, theksoi se Bashkimi Evropian “tani më shumë ka investuar” fonde të taksa paguesve evropian në vendet e Ballkanit Perëndimor për çështjet e rëndësishme për bllokun siç janë sundimi me ligjin, përcjell Telegrafi Maqedoni.

Sipas Danielson, ajo çka është e rëndësishme se norma për Ballkanin Perëndimor në buxhetin është rritur.

Siç informon korrespondentja AIM nga Brukseli, Komisioni Evropian në buxhetin propozon rritjen e fondeve të para pranimit për periudhën e ardhshme financiare nga viti 2021 deri vitin 2027 nga 11 në 14.5 miliardë euro.

Komisari Evropian përgjegjës për buxhetin, Ginter Etinger mbrëmë deklaroi se “asnjë euro” nuk është paraparë për zgjerim në buxhetin e ardhshëm të BE, por nëse ndonjëra nga vendet i plotëson kushtet për integrim në BE do të mobilizohen mjete, siç ishte rasti me Kroacinë.

Nga burime nga funksionar të lartë nga Komisioni Evropian për AIM thanë se “ajo çka është e rëndësishme se mjetet e para pranimit fondet IPA për periudhën e ardhshme financiare janë rritur në mënyrë të konsiderueshme”, por nuk ishin në gjendje të përgjigjen nëse ky paragraf i strategjisë është në përputhje me deklaratën e Komisionarit Etinger. /Telegrafi/