Dani në formë të mirë shëndetësore pasi iu nënshtrua operimit të vendosjes së stendës

Ditë më parë, këngëtari i mirënjohur nga Peja, Ramadan Krasniqi – Dani, pas disa shqetësimeve të lehta shëndetësore i ishte dashur t’i nënshtrohej një trajtimi mjekësor – operimit të vendosjes së stendës.

Megjithatë, ditën e djeshme (e premte) me rastin e festës së Kurban Bajramit, ishte djali i Danit, Andi, ai i cili përmes një postimi të ndarë në Facebook tregoi më shumë për gjendjen momentale të të atit.

“Me babanë bashkë po dalim për një kafe, ju përshëndesim”, ka qenë përshkrimi krahas postimit të publikuar.

https://www.facebook.com/photo.php?fbid=2346379738991663&set=a.1383511061945207&type=3&theater

Në bazë të imazhit, krijuesi i shumë hiteve duket në gjendje të mirë shëndetësore pas intervenimit që bëri.

Lexo po ashtu Iu nënshtrua operimit të vendosjes së stendës, Dani tregon se gjendja e tij është stabile dhe gjithçka ka kaluar me sukses

Krahas postimit pranoi edhe urime e reagime të ndryshme, marrë parasysh admiruesit e muzikës së tij që tashmë numëron jo vetëm në trojet shqiptare, por edhe më gjerë.

https://www.facebook.com/photo.php?fbid=1473656232822763&set=a.119704361551297&type=3&theater

Ndonëse njihet si një prej artistëve më të kujdesshëm në ruajtjen e shëndetit, Dani edhe në njoftimin paraprak tregoi se përparësitë e tij shëndetësore kanë dalur: aktiviteti sportiv, mos pirja e duhanit dhe e alkoolit.

Ramadan Krasniqi ndër tjerash po vazhdon punon dhe angazhimin në prurje të reja muzikore. /Telegrafi/