Dani Alves: Messi tregoi mos respekt me deklaratën në Kupën e Amerikës

Dani Alves e ka kritikuar ish-bashkëlojtarin e tij Lionel Messin, pasi ky i fundit ka thënë se Kupa e Amerikës ishte e korruptuar, pas humbjes nga Brazili.

Ylli argjentinas ka deklaruar se CONMEBOL ishte e përfshirë në korrupsion dhe se ai nuk do ta marrë medaljen e një gare që është e zhytur në kurdisje të ndeshjes.

Por, Alves e ka kritikuar deklaratën e tij të bërë pas fitores së ‘Les Albiceletes’ ndaj Kilit për vendin e tretë.

“Një shok nuk ka gjithmonë të drejtë edhe pse është vetëm një shok. Ju mund ta thoni atë kur jeni nervoz, por nuk do të thotë që unë duhet të pajtohem me të”, ka thënë mbrojtësi brazilian për Sport TV ‘Bem Amigos’.

“Fillimisht, ai është duke treguar mos respekt për Selecaot, në pikëpamjen time. Së dyti, ai është duke u treguar jo profesionist me disa bashkëlojtar që kanë luftuar për të fituar diçka”.

“Unë jam një shok i tij që e thotë gjithmonë të vërtetën, dhe mendoj se ai e kishte gabim duke i thënë ato gjëra”, ka shtuar më tej 36-vjeçari.

Messi mund të suspendohet për dy vite për deklaratat e bëra pas Kupës së Amerikës, e që do të mungonte në Kupën e Amerikës për vitin e ardhshëm dhe kualifikimet për Kupën e Botës 2022. /Telegrafi/