Dafina Zeqiri revoltohet keq kundër Arbër Bytyqit, i reagon publikisht duke e quajtur sociopat

Dikur ata bashkëpunonin shumë me njëri-tjetrin sa i përket realizimit të makijazhit.

Por mesa duket, raportet nuk janë më siç kanë qenë dikur mes këngëtares Dafina Zeqiri dhe grimerit nga Prizreni, Arbër Bytyqi.

Kjo pasi këngëtarja e shumë hiteve në estradën shqiptare ka bërë një reagim kundër tij në rrjetet sociale.

Ajo ka publikuar një imazh të sajin, i cili është rishpërndarë në fotografinë e Instagramit të grimerit Bytyqi.

Këngëtarja e hitit “Amazing Girl” i ka kërkuar atij që mos i shpërndajë fotografitë e saj për të marrë merita, gjersa nuk ka nguruar që ta quajë edhe sociopat.

“Arbër rrenc Bytyqi MUA! Mos publiko më foto të mija të edituara për së tepërmi. Ne nuk punojmë bashkë dhe ti e di pikërisht pse. Ti je një nga personat më të shtirur që kam takuar ndonjëherë në këtë industri. Një gënjeshtar! Mos publiko foto të mia. PIKË. Unë zakonisht nuk bëj kështu po për Zotin je një sociopat”, ka shkruar Dafina në InstaStory.

Ndërkohë, vet grimeri nga Prizreni nuk ka reaguar mbi këtë deklaratë të këngëtares. /Telegrafi/