Këngëtarja e njohur shqiptare, Dafina Zeqiri, feston sot (e mërkurë) ditëlindjen e saj të 32-të.
Me këtë rast ajo ka marrë urime të shumta nga fansat, miqtë, kolegët e familjarët e saj.
Dafinën e pritën befasi të këndshme që në orët e para të datës 14 prill, ku i dashuri i saj, DJ Geek, kishte përgatitur një festë surprizë për të.
Ai kishte organizuar një festë në oborrin e shtëpisë, ku ishte shkruar me të madhe numri 32, ndërsa ishin vendosur edhe fishekzjarre.
Ka qenë Dafina ajo e cila ka ndarë me ndjekësit e saj në Instagram një video nga befasia e këndshme, ndërsa falënderoi publikisht të dashurin e saj.
“Faleminderit i dashur për befasinë”, shkroi këngëtarja Zeqiri në mbishkrimin e videos.
Ndërkohë, Geek u kujdes edhe për një urim të veçantë për të dashurën e tij, duke publikuar disa fotografi të ëmbla të çiftit në rrjetin social Instagram.
“Urime ditëlindjen e dashur”, shkroi ai, ndërsa nuk munguan edhe urimet e shumta nga ndjekësit në hapësirën për komente. /Telegrafi/
