CNN: Njësitë speciale të Kievit po sulmojnë me dronë aleatët e Wagner-it në Sudan

Shërbimet speciale ukrainase besohet se qëndrojnë pas një sërë sulmesh me dronë dhe operacione tokësore pranë kryeqytetit sudanez Khartoum, që synojnë Forcën e Mbështetjes së Shpejtë (RSF), aleatët e së cilës janë mercenarët rusë nga Wagner.

Kjo është bërë e ditur nga CNN, duke thënë se kjo do të thotë se pasojat e pushtimit rus të Ukrainës janë përhapur shumë përtej vijave të frontit në këtë vend, transmeton Telegrafi.

Televizioni amerikan njoftoi se një burim nga ushtria ukrainase i tha se ky operacion ishte vepër e “një ushtrie që nuk është nga Sudani”.

Kur CNN pyeti nëse Kievi qëndron pas sulmeve, burimi u përgjigj vetëm se “shërbimet speciale ukrainase janë ndoshta përgjegjëse” për këtë.

Operacioni përfshinte një sërë sulmesh ndaj RSF, e cila besohet se po merr ndihmë nga Wagner në luftën e saj kundër ushtrisë sudaneze për kontrollin e vendit.

#Wagner #ukrainecounteroffensive #Andriivka#BlackSea #Zaporizhzhia#Poltava #Tokmak#Novoprokopivka #ZavitnyBazhanny#Urozhaine #Novodonetske#Robotyne #Verbove #Staromlynivka

CNN report claims Ukrainian special services were likely behind a series of drone strikes and a ground… pic.twitter.com/tRehI3volu

— Koba (@Roberto05246129) September 19, 2023

CNN thekson se nuk ka qenë në gjendje të marrë konfirmim të pavarur për përfshirjen e Ukrainës në një seri sulmesh në Sudan, por se videot në posedim të saj mbajnë vulën e sulmeve me dron në mënyrën që bëjnë ukrainasit.

Dy lloje të dronëve të disponueshëm të përdorur gjerësisht nga ukrainasit, thuhet se janë përfshirë në të paktën tetë sulme, me tekst në gjuhën ukrainase që shihet në kontrollet e dronit.

Ekspertët i thanë CNN se ky lloj sulmi me dron direkt në objektiv, është më se i pazakontë në Sudan dhe në Afrikë në përgjithësi.

Thuhet se sulmet sekrete të Ukrainës në Sudan do të nënkuptonin një zgjerim dramatik dhe provokues të frontit kundër Kremlinit.

Exclusive: Ukraine’s special services ‘likely’ behind strikes on Wagner-backed forces in Sudan, a Ukrainian military source says
Ukrainian special services were likely behind a series of drone strikes and a ground operation directed against a Wagner-backed militia near #Sudan’s… https://t.co/qfLQBhXg4d pic.twitter.com/CS0MKIIyN8

— Cannot be Without Memes (@cannot_meme) September 20, 2023

CNN pretendon se pjesë të pamjeve të sulmit me dron po qarkullojnë në mediat sociale, por pamjet e operacionit tokësor nuk janë publikuar deri më tani.

Një burim i lartë ushtarak sudanez tha se ai “nuk kishte njohuri për operacionin ukrainas në Sudan” dhe nuk besonte se është e vërtetë. /Telegrafi/