Çmimi i naftës ra përsëri në 53 dollarë për fuçi mes një perspektive të dobët për ekonominë botërore, megjithëse të dhënat bëjnë me dije se rezervat e furnizimeve vazhduan të mbeten të larta. Kështu çmimet u ulën me 0.4 për qind, pas nga rënieje të mëparshme me 2.2 për qind.

Pas këtyre të dhënave, besimi i investitorëve mbeti i dobët, mes shqetësimit të një recesioni, ndërsa lufta e vazhdueshme SHBA-Kinë po zgjatet pa perspektivat e një marrëveshjeje.

Edhe nëse Shtetet e Bashkuara dhe Kina arrijnë të merren vesh për marrëveshjen e pjesshme, ende kjo nuk ka gjasa të ndikojë në një rritje të shpejtë ekonomike pasi tarifat ekzistuese tashmë e kanë bërë dëmin e tyre, përcjell Telegrafi.

Agjencia Ndërkombëtare e Energjisë javën e kaluar shkurtoi parashikimet e kërkesës për naftë, për këtë vit dhe vitin e ardhshëm 2020, mes një prapavije ekonomike të përkeqësuar.

FMN paralajmëron rritje të ulët ekonomike botërore për vitin 2019 FMN paralajmëron rritje të ulët ekonomike botërore për vitin 2019

“Shqetësimet lidhur me rezultatin negativ të negociatave po godasin edhe më ekonominë globale dhe kërkesa e çmimet e naftës po e reflektojnë këtë”, tha Harry Tchilinguirian, kreu i strategjisë së tregjeve në BNP Paribas SA në Londër.

Duket se çmimin e ulët po e shkakton jo vetëm kërkesa në rënie, por edhe prodhimi i lartë, i cili nuk është tkurrur.

Sipas vlerësimit mesatar në një studim të Bloomberg, inventarët e naftës së papërpunuar të SHBA-së javën e kaluar u rritën me 3.1 milionë fuçi. /Telegrafi/