ÇKA PO VJEN

Poezi nga: Leonard Cohen
Përktheu: Fadil Bajraj

çka po vjen
dhjetë milionë njerëz
në rrugë
nuk mund ta ndalin
çka po vjen
Forcat e Armatosura Amerikane
nuk mund ta kontrollojnë
Kryetari
i Shteteve të Bashkuara
dhe këshilltarët e tij
nuk mund të konceptojnë
iniciojnë
zotërojnë
apo drejtojnë
çdo gjë
që bëni
apo që përmbaheni nga të bërit
do të na sjellë në të njëjtin vend
të njëjtin vend që nuk e dimë
zemërimi juaj kundër luftës
tmerri juaj ndaj vdekjes
strategjitë e juaja të qeta
planet e juaja të guximshme
për ta riorganizuar
lindjen e mesme
për ta përmbysur dollarin
për ta vendosur
Rajhun e katërt
për të jetuar gjithmonë
për t’i heshtur hebrenjtë
për ta mbarështuar kozmosin
për ta mbarësuar jetën
për ta përmirësuar fenë
të gjitha këto nuk kanë kurrfarë rëndësie
ju nuk keni aftësi për t’i kuptuar
pasojat
e asaj që bëni
oh edhe një gjë tjetër
nuk ka për t’ju pëlqyer
çfarë vjen pas
Amerikës