Citi ‘problematik’ i serialit “O Sa Mirë”: Gjithçka që nuk dini për jetën time jashtë ekranit
Është i njohur për rolin e tij si studenti problematik dhe konfliktuoz i shkollës më të çuditshme në ekranet shqiptare, por gjithçka mbetet në magjinë e aktrimit. Është ky Edon Bërveniku, i njohur për publikun si ‘Citi’, i kthyer tashmë në një prej personazheve më të dashur për publikun nga hit seriali “O Sa Mirë”.
Në një intervistë ndryshe për Telegrafin, aktori i njohur rrëfehet rreth angazhimeve të tij në karrierë, si dhe të rejave në jetën private.
I qetë, i pëlqen leximi, të gatuajë, ndërsa sporti i preferuar është noti – janë këto vetëm disa nga gjërat që nuk i keni ditur për ‘Citin’ me temperament të lartë….
Edon, jeni një nga rolet më të spikatura të hit-serialit “O Sa Mirë”. Sa ju bën të lumtur ky fakt dhe sa po e shijoni eksperiencën në këtë serial?
Fakti se marr çdo ditë komente të mira dhe ndikoj tek shumë njerëz duke ua përmirësuar sadopak disponimin e tyre në ato pak çaste të jetës së tyre mua më bën të ndihem tejet i lumtur.
Si ka lindur ideja për krijimin e një personazhi si ‘Citi’?
Duke bërë një miksim apo thënë ndryshe një përzierje të disa personave të frustuar, mllefosur dhe gangsterë të lagjeve ku jetojnë ata është zbuluar ‘Citi’ ku dhe gjatë ndërtimit të personazhit ka pasur shumë progres nga episodi i parë e në vazhdimësi.
A ka diçka të përbashkët Edoni me ‘Citin’ në jetën e përditshme?
Edon Bërveniku me ‘Citin’ në jetën private janë dy bota të kundërta që s’kanë të bëjnë fare me njëri-tjetrin, gjë që po i bën fansat tejet kurioz ky transformimi im.
Me kë nga aktorët e serialit ke krijuar më shumë afrimitet?
Po ju them sinqerisht se me të gjithë kolegët kam krijuar raporte të mira dhe të afërta sepse jemi bërë si një familje e dytë, andaj nuk do ta veçoja ndokënd sepse të gjithë jemi një.
Ndërkohë si aktor, angazhoheni edhe në projekte tjera filmike apo teatrale?
Nëse flasim për projekte të tjera jam në pritje të një filmi, ndërsa në teatër shpresoj se shumë shpejt do të aktivizohem sepse e dua shumë.
Ju pëlqen më shumë filmi apo teatri?
Ndoshta pse s’kam pasur shumë eksperiencë në filma, e në teatër pak më shumë kam një dashuri të madhe për skenën teatrore, por nuk e di edhe pse njëra me tjetrën dallojnë, dhe te japin ndjesi të ndryshme në kënaqësinë shpirtërore dhe profesionale .
Pak dimë për jetën tuaj private. Mund të na zbuloni diçka më shumë?
Jeta ime private vet fjala është private kështu që do e mbaja për vete, e juve gazetarëve ju mbet që të zbuloni fshehtësitë (qesh).
Si është një ditë e zakonshme e Edonit?
Një ditë e imja e zakonshme kalon duke lexuar shumë, me notin kam rënë në dashuri, gatimin njashtu mund të them se e kam pasion dhe muzikën klasike kur kam kohë të lirë dhe në funde ecjet e gjata nëpër parqe ose male.
Sa po e shijoni famën. Ju ndodh të ju ndalojnë në rrugë. Si është reagimi juaj?
Fama aq sa i ka anët pozitive njashtu i ka edhe anët negative, tani duhet të jem i kujdesshëm për çdo veprim që bëj në publik, apo ndonjë shkrim sepse portalet, mediat janë të etur për të mbushur rubrikat e tyre e nganjëherë edhe me ndryshimin e realitet ku mund të përdoret si armë ndaj meje por i ka edhe ëmbëlsirat e veta, po në qoftë se dimë ta menaxhojmë ashtu si duhet.
Cilat janë planet tua për të ardhmen?
Plane dhe ëndrra kemi shumë po se sa do të realizohen ato na mbetet që të punojmë shumë dhe të mos dorëzohemi asnjëherë edhe pse vështirësitë do jenë prezentë.
Thënia juaj e jetës?
Thënia ime e preferuar është: “Mos u dorëzo se një ditë pas shumë vështirësive që do të ndodhin, në jetë do të vjen fitorja.
Edon, faleminderit shumë që ishe pjesë e intervistës. Çfarë mesazhi do doje t’iu lije lexuesve për fund?
Mesazhi im për lexuesit e Telegrafit është: Ju uroj së pari të keni shëndet, fat, lumturi dhe ndiqni ëndrrat tuaja sepse dorëzimi është armiku më i madh i njeriut. /Telegrafi/
Lufta Prigozhin - Putin
Më shumëNga Rubrika
Shkurta Haxhiu: Asgjë nuk mund ta evitojë atë që fati të ka përcaktuar
Atdhe Hykolli, kryetar i BSPK-së: Intervistë me shkas e me shkak
Shkencëtarja Dr. Lumnije Kqiku-Biblekaj për çmimin “Personalitet nderi me medalje të artë” në Graz: Shkencën dhe mjekësinë i ndjej në shpirt
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
A e ka fituar Ukraina fuqinë për të degraduar forcat ruse me raketat e reja amerikane?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre