Cilat janë mënyrat për përditësimin e ‘joystick-ëve’ të Xbox One dhe Series X|S

Sigurimi se “joystick-ët” tuaj të Xbox One dhe Xbox Series X|S janë të përditësuar me firmuerin më të fundit është një mënyrë e mirë për të siguruar performancën e “joystick-ut” tuaj dhe për të zgjidhur çdo problem të mundshëm që mund ta keni.

Nëse ndonjëherë keni menduar se si ta përditësoni “joystick-un” tuaj të Xbox, atëherë “makeuseof” sjellë mënyrat se si ta përditësoni atë.

Përpos versionit origjinal, çdo “joystick” i Xbox One dhe Xbox Series X|S mund të përditësohet pa kabllo, transmeton Telegrafi.

Mënyra e përditësimit të “joystick-ut” pa kabllo:
Shtypeni butonin e Xbox për ta hapur udhëzuesin dhe navigoni duke përdorur gomën e djathtë deri sa ta gjeni skedën e profilit dhe sistemit. Nga skedari i profilit dhe sistemit zgjidhini “parametrat”.

Navigoni tek nën-menytë në anën e majtë, theksoni se cilin “joystick” dëshironi që ta përditësoni dhe zgjidheni simbolin e elipsit, i cili shfaqet si “…”.

Nëse opsioni i radhës është “Update”, atëherë zgjidheni atë opsion dhe “joystick-u” juaj do të përditësohet me firmuerin më të fundit, dhe nëse nuk përditësohet, atëherë “joystick-u” juaj veçse është i përditësuar.

Por nëse “joystick-u” juaj nuk e ka portin 3.5mm, dhe nuk mund të përditësohet pa kabllo, atëherë ju duhet që ta lidhni “joystick-un” tuaj me konsolën tuaj përmes një kabllo USB në mënyrë që ta përditësoni atë.

Për ta lidhur “joystick-un” tuaj me konsolën tuaj Xbox duhet ta gjeni portin e USB në “joystick-un” tuaj.

Posa ta futni kabllon USB në konsolën tuaj, sigurohuni se kabllo është e lidhur gjithashtu me “joystick-un” përmes portit që ajo ka, atëherë konsola juaj do të tentojë që ta përditësojë atë në mënyrë automatike. /Telegrafi/