Çfarë pritet të ndodh pas sulmeve që Irani bëri ndaj bazës amerikane në Irak

Irani iu përgjigj vrasjes ku Shteteve e Bashkuara vranë zyrtarin e saj të lartë ushtarak, gjeneral Qassem Soleimani, duke gjuajtur shumë raketa balistike në dy objektet ushtarake amerikane në Irak të martën mbrëma.

Masa frikësohet nga një luftë midis SHBA-së dhe Iranit, por koloneli në pension Stephen Ganyard, një ish-pilot luftëtar dhe analisti ushtarak i ABC News, tha që ajo që ndodh më pas do të varet vërtet nga dëmet e shkaktuar nga raketat, të cilat e sulmuan Bazën Ajrore të Erbilit në veri të Irakut dhe Baza Ajrore Ain Al-Asad në Irakun perëndimor, transmeton Telegrafi.

“Kjo gjë varet nga ajo që ata godasin. Nëse ata nuk godasin asgjë, atëherë situata mund të qetësohet. Nëse ata godasin diçka thelbësore dhe nëse vrasin amerikanët, atëherë ata mund të presin që kjo do të çojë në një hakmarrje të rëndësishme të SHBA-së”, tha Ganyard.

Shtëpia e Bardhë tha se ishte në dijeni të raporteve të lëshimeve të raketave.

“Ne jemi të vetëdijshëm për raportet e sulmeve ndaj objekteve amerikane në Irak. Presidenti është informuar dhe po monitoron nga afër situatën dhe po këshillohet me ekipin e tij të sigurisë kombëtare”, tha sekretarja e shtypit e Shtëpisë së Bardhë Stephanie Grisham në një deklaratë.

Një deklaratë nga Departamenti i Mbrojtjes thoshte se ende po punon për vlerësimet fillestare të dëmeve.

Trupat Revolucionare Islamike të Iranit thanë në një deklaratë se “çdo pushtim dhe agresion i ri do të rezultojë në përgjigje më të dhimbshme”.

Dy zyrtarë amerikanë i thanë ABC News se deri më tani nuk ka raportime për viktima amerikane. /Telegrafi/