Presidenti i Turqisë, Recep Tajip Erdogan ka njoftuar mbështetjen ushtarake për qeverinë e njohur ndërkombëtarisht të Libisë të Akordit Kombëtar (GNA), tani që vendi i Afrikës së Veriut e kërkoi atë.
Siç shkruan AlJazeera, përcjell Telegrafi, në një fjalim në Ankara të enjten, Erdogan tha se më 7 janar do t’i paraqesë një projektligj Parlamentit turk për vendosjen e trupave.
“Meqenëse ka një ftesë [nga Libia] tani, ne do ta pranojmë atë”, u ka thënë Erdogan anëtarëve të Partisë së tij AK. “Ne do të paraqesim mocionin për të dërguar trupa [në Libi] posa të fillojë parlamenti”.
“Me vullnetin e Zotit, ne do ta kalojmë atë në Parlament në 8-9 janar dhe kështu do t’i përgjigjemi një ftese” nga GNA me qendër në Tripoli, tha ai.
Duke ndjekur njoftimin e Erdoganit, ministri i brendshëm Fathi Bashagha u tha gazetarëve në Tunis se qeveria e njohur ndërkombëtarisht e Libisë do të kërkojë zyrtarisht ndihmë ushtarake nga Turqia nëse lufta mbi kryeqytetin përshkallëzohet.
“Nëse situata përshkallëzohet, atëherë ne kemi të drejtë të mbrojmë Tripolin dhe banorët e tij”, ka thënë Bashagha.
Ndryshe, po sipas AlJazeera, muajin e kaluar, zyrtarë turq dhe libianë, të udhëhequr nga kryeministri i GNA-së, Fayez al-Sarraj, nënshkruan një memorandum mirëkuptimi mbi sigurinë dhe bashkëpunimin ushtarak.
Kabineti i ministrave të GNA-së dhe ligjvënësit turq kanë ratifikuar marrëveshjen, por nevojitet një lëvizje e veçantë për të dërguar trupa.
Mahmoud Abdelwahed i Al Jazeera, duke raportuar nga kryeqyteti libian, tha se Ankaraja kishte nevojë për një kërkesë zyrtare për trupat në tokë nga Tripoli përpara se një lëvizje të paraqitej në Parlament.
“Marrëveshja e bashkëpunimit ushtarak dhe të sigurisë, e nënshkruar midis Turqisë dhe Libisë muajin e kaluar nuk kërkon dërgimin e trupave. Kjo është arsyeja pse Erdogan po kërkonte një kërkesë zyrtare nga GNA para se të mund të vazhdojë ta paraqesë atë në Parlament për një miratim”, tha Abdelwahed.
Megjithatë, GNA në Tripoli nuk ka zbuluar asnjë informacion se është bërë një kërkesë zyrtare.
Njoftimi i së enjtes erdhi një ditë pasi Erdogan u takua me homologun e tij tunizian, Kais Saied, gjatë një vizite të papritur në kryeqytetin tunizian për të diskutuar zhvillimet në Libinë fqinje.
Erdogan u tha gazetarëve në Tunis se të dy udhëheqësit diskutuan mënyrat për krijimin e armëpushimit dhe kthimin e fraksioneve ndërluftuese në tryezën e bisedimeve.
Administratat rivale
Libia ka qenë në trazira që nga viti 2011 kur një kryengritje e mbështetur nga NATO rrëzoi sundimtarin e gjatë Muammar Gaddafi.
Vendi është ndarë në administratat rivale lindore dhe perëndimore që nga viti 2014, me GNA, duke kontrolluar aktualisht Tripolin, me vendndodhje në Libinë veriperëndimore, dhe një administratë paralele që mban lindjen e vendit të pasur me naftë, të mbështetur nga vetë-komandanti ushtarak renegat, Khalifa Haftar i Ushtrisë Kombëtare Libiane (LNA).
Që nga fillimi i prillit, Haftar ka zhvilluar një fushatë ushtarake kundër GNA, të cilën ai e akuzon për strehimin e “elementeve terroriste”.
Siç shkruan tutje AlJazeera, Turqia dhe Katari mbështesin GNA, ndërsa Rusia, Emiratet e Bashkuara Arabe, Arabia Saudite, Egjipti dhe Franca, mbështesin Haftar.
Ndërkohë, Moska ka shprehur shqetësime për çdo vendosje turke në mbështetje të GNA.
Presidenti rus Vladimir Putin foli të enjten me kryeministrin italian Giuseppe Conte dhe ata ranë dakord se kriza duhet të zgjidhet në mënyrë paqësore, tha Kremlini.
Rusia muajin e kaluar mohoi raportet në New York Times se kishte dërguar mercenarë për të luftuar në anën e Haftarit, ndërsa OKB gjithashtu ka akuzuar forcat e LNA për rekrutimin e luftëtarëve nga Sudani.
Sipas Abdelwahed të Al Jazeera, vendosja e trupave turke në Libi mund të ndihmojë në mbrojtjen e kryeqytetit, Tripoli, kundër një sulmi ushtarak nga forcat e Haftarit.
“Shumë komandantë ushtarakë me GNA thonë se forcat e Haftarit kohët e fundit po përparonin në terren, duke marrë kontrollin e lokacioneve strategjike në Tripolin jugor, përfshirë kampe ushtarake”, tha ai.
“Forcat ushtarake janë gjithashtu shumë të shqetësuar për ndihmën ruse për forcat ushtarake të Haftarit”.
“Trupat turke në terren në Libi mund të bëjnë patjetër një ndryshim”.
Lidhur me mbështetësit e Haftarit, Erdogan tha të enjten: “Ata po ndihmojnë një kryekomandant. Ne po i përgjigjemi një ftese nga qeveria legjitime e Libisë … Ky është ndryshimi ynë”. /Telegrafi/
Lufta Prigozhin - Putin
Më shumëE thotë kryeministri britanik: Nëse mposht Ukrainën, Putini nuk do të ndalet në kufirin me Poloninë
Deklarata skandaloze e Millorad Dodikut nga Rusia: Nuk duam ta ndajmë ajrin me boshnjakët
Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan
Rusia fillon tërheqjen e trupave nga Nagorno-Karabaku
Pamje të Dubait nga hapësira – ja si dukej, para dhe pas përmbytjeve
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj