Çfarë duhet të bëni nëse zgjoheni gjatë natës dhe nuk mund të flini përsëri gjumë

Bëni diçka që do t’ju qetësojë dhe relaksojë

Dr. Robert Rauntry thotë se sa do që të jetë ora, qëndroni zgjuar.

Ai i shpjegoi në detaje MBG-të pse është shumë më keq ta detyrosh veten të shtrihesh përsëri në shtrat për të fjetur gjumë sesa të ngrihesh, edhe nëse është ora 3 ose 4 e mëngjesit.

Kjo situatë sidomos u ndodh njerëzve që janë nën stres – mendojnë për punën e papërfunduar, përgjegjësitë, problemet, transmeton Telegrafi.

– Nëse zgjoheni dhe mendoni për të gjitha gjërat që nuk i keni bërë atë ditë, është një shenjë që keni shkuar në shtrat me shumë informacione të papërpunuara.

Qëndrimi në shtrat, mbyllja e syve dhe të qenit i fiksuar pas pyetjes pse nuk mund të flini nuk do t’jua qetësojë ato mendime.

Në vend të kësaj, mendja duhet të shpërqendrohet – pohon Rauntry.

Mjeku konstaton se nëse kanë kaluar 30 minuta shtrirë në errësirë dhe nuk keni qenë në gjendje të flini gjumë – thjesht duhet të ngriheni.

– Është një mundësi gjithnjë e më e mirë sesa ta detyrosh veten të flesh. Ju nervozoheni dhe thjesht ju ik gjumi edhe më shumë. Në vend të kësaj, ndizni një dritë të zbehtë, lexoni një libër ose shikoni disa përmbajtje relaksuese në televizor.

– Çdo aktivitet që nuk rrit stresin dhe adrenalinën do t’ju vijë në ndihmë. E vetmja gjë që nuk duhet të bësh është të përdorësh në celularin tënd. Rrjetet sociale, mesazhet dhe lajmet vetëm do të rrisin nivelin e stresit.

Kjo deklaratë nuk do të thotë që ju duhet të hiqni dorë plotësisht nga gjumi në net të tilla, por duhet të ngriheni dhe të bëni diçka që do t’ju qetësojë, do t’ju relaksojë dhe përfundimisht do t’ju ndihmojë të flini gjumë.

Ju gjithashtu mund të bëni një banjë me vaj livandoje, të dëgjoni një muzikë të butë, qetësuese, të provoni ushtrime të frymëmarrjes … /Telegrafi/