Çfarë duhet të bëni kur jeni të pikëlluar – mos i ndrydhni ose fshihni ndjenjat tuaja
Lëreni zemrën të rrahë në harmoni me emocionet tuaja. Mos ki turp nga ndjenjat e tua!
Pikëllimi është një ndjenjë nga e cila njerëzit shpesh përpiqen të shpëtojnë, ta injorojnë, ta shmangin, kështu që kryesisht mbetet e ndrydhur në shumë zemra.
Megjithatë, ka ditë dhe situata kur pikëllimi pushton dhe përpjekja për ta injoruar këtë emocion ose për të mos treguar se si ndihemi mund të jetë e keqe për shëndetin tonë mendor.
Duket se kemi harruar se pikëllimi është një emocion normal njerëzor, si edhe lumturia.
Është një përgjigje normale e trurit tonë ndaj aspekteve të ndryshme të jetës sonë, mjedisit, ndaj ngjarjeve të caktuara, transmeton Telegrafi.
Pra, është normale të jemi të trishtuar, nuk duhet të kemi frikë se si do të na shikojnë të tjerët nëse tregojmë emocionet tona, as nuk duhet të përpiqemi të jemi të buzëqeshur dhe të mirë nëse nuk ndihemi ashtu.
Psikologët gjithashtu theksojnë se pikëllimi është një emocion i rëndësishëm. Megjithatë, ata shprehen se është e rëndësishme të mos gaboni duke menduar se kur jeni të trishtuar, jeni në depresion. Mos bëni një gabim të tillë! Trishtimi, si të gjitha emocionet tona, është i shëndetshëm dhe duhet të na ndihmojë të reagojmë më mirë ndaj vetes, ndaj të tjerëve dhe ndaj botës përreth nesh.
Siç thotë Carl Jung, njerëzit duhet të vlerësojnë dhe respektojnë pikëllimin në mënyrë që të shijojnë lumturinë. Pranimi i pikëllimit është një pjesë vërtet e rëndësishme për ta kapërcyer atë dhe për t’u rikthyer në një kornizë normale mendore.
Është e rëndësishme që të mos mendojmë kurrë se pikëllimi është një shenjë dobësie. Njerëzit të cilët kanë zhvilluar ndjeshmëri dhe shfaqin trishtim e largojnë këtë ndjenjë në mënyrë të natyrshme, por mund të ndihmojnë edhe të tjerët që kanë frikë të tregojnë emocionet e tyre dhe t’u thonë – “është në rregull të jesh i trishtuar”.
Një mit tjetër është se nëse një person kënaqet me pikëllimin, ai do të mbetet i pikëlluar përgjithmonë. Emocionet janë gjendje kalimtare, sepse ato janë përgjigje ndaj gjendjes aktuale. Fakti që aktualisht keni këtë ndjenjë nuk do të thotë se jeni të dobët dhe as që do të jeni gjithmonë të pikëlluar, por se reagoni në sinkron me gjendjen tuaj emocionale, në përputhje me ngjarjet që ju rrethojnë.
Lejojeni veten të jeni të pikëlluar, lidhuni me këtë ndjenjë, tregojeni hapur dhe trishtimi do të gjejë rrugën e tij.
Shënim: Nëse shpesh ndiheni të pikëlluar dhe të pakënaqur, dhe kjo ndikon në cilësinë e jetës suaj, është e rëndësishme të kërkoni ndihmë nga një profesionist – psikolog, psikoterapist. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës