LAJMI I FUNDIT:

Çfarë cilësie ka uji i pijes në Kosovë?

Çfarë cilësie ka uji i pijes në Kosovë?

Helmimi masiv i qytetarëve në Han të Elezit dhe Kaçanik ngriti dyshime të mëdha për cilësinë e ujit të pijes në Kosovë.

Ngjarjet ndodhën këtë muaj, ndërsa të prekur ishin banorët e fshatit Seqishtë dhe Gorancë.

Kjo situatë bëri që me këto raste të merret edhe Instituti i Shëndetit Publik.

Në një përgjigje për RTV Dukagjinin, nga ky institucion kanë thënë se pas analizave mikrobiologjike që janë bërë në të dyja rastet, e ku janë vërejtur baktere mbi normat e lejuara.

“Nga aspekti mikrobiologjik në mostrën e ujit të marrë në fshatin Seqishtë janë prezente numri i tërësishëm i baktereve të gjalla, ndërsa në mostrën e ujit të marrë në fshatin Gorancë janë prezente numri i tërësishëm i baktereve të gjalla mbi normat e lejuara dhe Streptokoke me prejardhje fekale”, ka thënë IKSHP-ja.

Alarmi që u ngrit pas këtyre rasteve, duket se nuk do ti prek tetë komunat e Kosovës, të cilat furnizohen nga Kompania Ujësjellësi Rajonal “Prishtina”.

Helmimi i qytetarëve në Han të Elezit e Kaçanik, MSH furnizon me barna QKMF-të në këto komuna
Lexo po ashtu Helmimi i qytetarëve në Han të Elezit e Kaçanik, MSH furnizon me barna QKMF-të në këto komuna

Zëdhënësja e kësaj kompanie, Arjeta Mjeku, ka bërë të ditur se brenda vitit kompania bënë testimin e ujit më mbi 12 mijë mostra.

“Në total brenda vitit kemi mbi 12 mijë mostra që i marrim dhe jasht këtij planifikimi kemi edhe 45 raste ankesa të konsumatorëve për cilësi jo të mirë të ujit e që i bëjmë në laboratorin tonë. Zakonisht kemi konsumatorë që kyçen ilegalisht në rrjetin e  ujësjellësit dhe që kyçen  edhe në rezervoare të ndryshme”, ka thënë Mjeku.

Se nuk ka arsye për shqetësim e thotë edhe ish Kryeshefi Ekzekutiv i KRU “Prishtina” profesori Skender Bublaku.

Sipas tij, rreziku është tekë zonat rurale ku qytetarët furnizohen me ujë në format klasike.

“Problemet që po shfaqen janë nga zonat që kanë marrje e ujit në mënyrë klasike pa një trajtim specifik dhe pa një zonë mbrojtëse ujore. Kryesisht kjo shfaqet në zona rurale që nuk janë nën menaxhimin e  kompanive të ujësjellësit dhe që nuk monitorohen nga Instituti i Shëndetit Publik”, ka thënë Bublaku.

Eksperti i ujërave tregon formën se si mund të zgjidhet problemi me ujin e pijes.

“Nëpër zonat, ku pas luftës ka pas investime të mëdha, në shumicën e rasteve s’ka instalime teknike të mira, të cilat do të garantojnë cilësinë  ujit dhe mos klorizimi dhe trajtimi i ujit, por edhe reshjet e shiut, janë disa nga faktorët. Besoj që zgjidhja është rishikimi komplet i kësaj strukture. Nëse nuk i monitorojmë ne s’mund të kemi cilësi të mirë të ujit”, ka shtuar Bublaku.

Në tërë Kosovën janë shtatë kompani të shpërndarjes së ujit në zonat e ndryshme.

Ndërkohë, rasti më i madh i dyshimeve që numër i madh i personave janë helmuar nga uji i pijes, ndodhi vitin e kaluar në Deçan. /Dukagjini/

Në trend Lajme

Më shumë
Një i vrarë dhe një i plagosur me armë zjarri në Prishtinë

Një i vrarë dhe një i plagosur me armë zjarri në Prishtinë

Kronika e Zezë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

Lajme
Syla: Kemi bashkëpunim me shtetet e NATO-s për blerjen e armatimit

Syla: Kemi bashkëpunim me shtetet e NATO-s për blerjen e armatimit

Siguri
U raportuan tri gropa në

U raportuan tri gropa në "Ndreqe.com", Komuna e Prishtinës intervenon në rregullimin e tyre

Prishtina
Kalo në kategori