Çarja (disekacioni) e aortës është gjendje serioze në të cilën shtresa e brendshme e aortës, enës më ta madhe të gjakut, çahet
Dr. Arbër Kutllovci
Mjek specialist kardiokirurg
e-mail: arber.kutllovci@spitaliamerikan.com
tel: +38344404029
Gjaku përmes kësaj çarje shkakton ndarje (disekim) të shtresës së brendshme dhe mesme të aortës. Nëse lumeni i ri i krijuar (pseudolumeni) pëlcet (rupturon), çarja e aortës është shpesh fatale.
Kjo gjendje më shpesh ndodh tek meshkujt në të 60-at apo 70-at e tyre.
Pse, kur dhe si shkaktohet çarja e aortës?
Çarja e aortës ndodh në pjesën më të dobët të murit të aortës. Shtypja e lartë kronike e gjakut mund të dëmtoj indet e aortës, duke i bërë ato më të favorshme për çarje.
Ju mund të keni lindur me gjendje ku aorta është e dobët dhe e zgjeruar siç janë: sindroma Marfan, valvula aortale bikuspidale apo gjendje tjera që janë të lidhura me mure të dobëta të enëve të gjakut. Më rrallë, çarja e aortës mund të ndodh nga lëndimet traumatike në kraharor, siç janë aksidentet me motor-biçikletë.
Cilët janë faktorët e rrezikut për çarje të aortës?
Faktorët e rrezikut për çarje të aortës përfshijnë:
• shtypja e lartë e gjakut e pakontrolluar (hipertensioni)
• kalcifikimi i murit të arterieve (arteroskleroza)
• arteriet me mure të dobëta dhe të zgjeruara (ekzistimi i mëhershëm i aneurizmës së aortës)
• defektet e valvulës aortale (valvula aortale bikuspidale)
• ngushtimi i aortës në lindje (koarktacioni i aortës)
Disa sëmundje gjenetike rritin riskun për çarje të aortës, duke përfshirë:
• Turner’s syndrome.
• Marfan syndrome.
• sëmundje tjera të indit lidhor. Ehlers-Danlos syndrome, Loeys-Dietz syndrome, etj
• gjendjet inflamatore dhe infektive të cilat prekin arteriet siç është sifilisi.
Faktorët potencial risku përfshijnë:
• Gjinia. Meshkujt kanë dy herë shanse më shumë për çarje të aortës
• Mosha. Incidenca e çarjes së aortës është në moshat 60-80 vjeç.
• Përdorimi i kokainës. Kjo drogë mund të jetë faktor risku për çarje të aortës, sepse shkakton përkohësisht shtypje të lartë të gjakut.
• Shtatzënia. Jo-rrallë, çarja e aortës mund të ndodh në femrat (shtatzënat) e shëndetshme gjatë lindjes.
• Peshëngritësit. Ushtrimet e sforcuara mund të rritin riskun për çarje të aortës, sepse rritin shtypjen e gjakut gjatë aktivitetit fizik.
Si ndahen çarjet e aortës?
Çarja e aortës ndahet në dy grupe, varësisht cilën pjesë të saj e ka atakuar:
Tipi A (Stanford A). Ky është tip më i shpeshtë dhe më i rrezikshëm që përfshin çarjen e aortës në pjesën ku ajo del nga zemra apo çarja në pjesën e sipërme të aortës (aorta ascendente), që mund të vazhdoj deri tek aorta abdominale.
Tipi B (Stanford). Kjo përfshin çarjen vetëm në aortën e poshtme (aorta desendente) , e cila gjithashtu mund të vazhdojë deri në nivel të aortës abdominale.
Çfarë simptoma dhe shenja klinike paraqitet çarja e aortës?
Simptomat e çarjes së aortës mund të janë të ngjashme me problemet në zemër, siç është sulmi në zemër.
Shenja dhe simptomat tipike janë:
• dhembje e papritur e gjoksit dhe pjesës së pasme të shpinës, shpesh përshkruhet si ndjeshmëri e çarjes ose prerjes, që shpërndahet në qaf apo poshtë shpinës,
• dhembje e madhe papritur e barkut,
• humbje e vetëdijes,
• vështirësi e papritur në të folur, humbje e të pamurit, dobësi apo paralizë të njërës anë të trupit, të ngjashme me sulmet në tru,
• puls i dobët në njërën dorë nëse krahasohet me dorën tjetër,
• dhembje e këmbëve,
• vështirësi në ecje,
• paralizë ë gjymtyrëve të poshtme.
Cila është metoda e mjekimit të çarjes (disekacionit) të aortës?
Çarja e aortës është urgjencë kardiokirurgjike. Ajo kërkon përvojë profesionale të ekipit kardiokirurgjik për menaxhimin pre-operativ, për realizimin e ndërhyrjes kardiokirurgjike dhe për menaxhimin post-operativ. Qëllimi i operimit është mbyllja e pseudo-lumenit të krijuar dhe zëvendësimi i aortës së çarë me graft sintetitik.
Këto janë disa nga llojet e operimeve që realizohen tek çarja e aortes (Stanford A): supracoronary graft interposition, Bentall Operation, David Operation, Hemiarch repair, Total arch repair.
Cilat janë komplikimet e çarjes (disekacionit) të aortës?
Çarja e aortës mund të dërgojë në:
– vdekje për shkak të gjakderdhjes
– dëmtim të organeve siç është veshka dhe zorrët
– goditje në tru
– pëlcitje të aortës dhe grumbullim të gjakut rreth zemrës (tamponadë e zemrës) dhe vdekje
Çfarë prognoze ka çarja e aortës?
Nga të gjithë pacientët me çarje të aortës, 40% e tyre vdesin menjëherë dhe nuk arrijnë fare në Spital. Nga ata të cilët arrijnë në spital kanë vdekshmëri mbi 30%, apo 1-2% është mortaliteti për orë. Pra, çarja (disekacioni) i aortës ka vdekshmëri shumë të lartë, mbi 70% edhe në qendrat më të mëdha Kardiokirurgjike.
Si parandalohet çarja e aortës?
Këto janë këshillat si duhet të prevenojmë ose ulim riskun për çarje të aortës:
• Kontrollimi i shtypjes së gjakut. Nëse keni shtypje të lartë të gjakut, merreni në shtëpi aparatin për matjen e shtypjes së gjakut dhe kontrolloni atë.
• Mos pini duhan. Nëse jeni duhanpirës, bëni hapin ta ndërprisni atë.
• Mbani peshën ideale trupore. Mbani dietë me pak kripë dhe të pasur me fruta, perime dhe ushtrime të rregullat fizike.
• Vendos rripin e sigurisë. Kjo zvogëlon riskun nga lëndimet traumatike në fushën e kraharorit.
• Konsultohu me mjekun tuaj. Nëse keni histori familjare me çarje të aortës, sëmundje me çrregullime të indit lidhor, valvulë aortale bikuspide, tregoni mjekut tuaj. Nëse keni aneurizmë të aortës , konsultohuni me kardiokirurgun përkatës si të monitoroni dhe kur duhet intervenuar. Nëse keni shtypje të lartë të gjakut sigurisht mjeku do të ju përshkruaj barna për rregullimin e saj, kështu që t’i merrni me kohë, dhe në mënyrë adekuate. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën