Bungie, zhvilluesi i Destiny 2, tashmë është zyrtarisht pjesë e Sonyt.

Siç bëhet e ditur, prodhuesi i PlayStation kishte njoftuar synimin për të blerë studion e lojërave në muajin janar, dhe tani, blerja ka përfunduar. Në njoftimin fillestar, Sony tha se marrëveshja ishte me vlerë 3.6 miliardë dollarë, por në një dosje të SEC të premten, thuhet se marrëveshja ishte “afërsisht” 3.7 miliardë dollarë, transmeton Telegrafi.

Megjithëse tani është nën ombrellën e Sony-t, Bungie do të “vazhdojë të publikojë në mënyrë të pavarur dhe të zhvillojë në mënyrë krijuese lojërat tona”, tha CEO i Bungie, Pete Parsons në një postim në blog nga njoftimi origjinal i blerjes. Dhe lojërat e ardhshme në zhvillim nuk do të jenë ekskluzive të PlayStation, thanë Joe Blackburn dhe Justin Truman nga Bungie.

Reklama
Reklama

Presidenti i Sony Interactive Entertainment dhe CEO, Jim Ryan tha në janar se Sony ka në plan të mbështetet te Bungie për “ekspertizën e saj të klasit botëror në zhvillimin e shumë platformave dhe shërbimet e lojërave të drejtpërdrejta”, të cilat “do të ndihmojnë në realizimin e vizionit të tyre për zgjerimin e PlayStation për qindra miliona lojtarë”. /Telegrafi/