Britaniku i kapur John Harding shfaqet përmes një videoje në Ukrainë – thotë se i është thënë se mund të përballet me dënimin me vdekje

Një burrë britanik është shfaqur në një video duke bërë thirrje për ndihmë nga kryeministri britanik Boris Johnson, ndërsa duket se mbahet rob nga separatistët pro-rusë në Republikën e vetëshpallur Popullore të Donetsk (DPR) në Ukrainën lindore.

Sipas mediave të huaja, përcjell Telegrafi, John Harding, i cili është rreth të pesëdhjetave dhe me origjinë nga Sunderland, po intervistohej nga një prezantues televiziv rus.

Në video ai bën thirrje për ndihmë nga kryeministri i Britanisë së Madhe, Boris Johnson.

Dhe ai thotë se i është thënë se mund të përballet me dënimin me vdekje.

Mësohet se Harding u kap në maj ndërsa luftonte me regjimentin Azov, pjesë e Gardës Kombëtare të Ukrainës, kur njësitë ukrainase që kishin mbrojtur qytetin juglindor të Mariupolit u detyruan të dorëzoheshin.

Der #britische #Söldner #JohnHarding,der bei der Verteidigung desWerks #AsowStahl alsMitglied im #AsowRegiment dabei war,wandte sich aus dem Gefängnis an #BorisJohnson.Er brach in Tränen aus,als er sich mit seinem letzten Wort an seine Tochter wandte. #NATO #Todesstrafe #Ukraine pic.twitter.com/zNsg4prH6M

— Wahrheit 🇷🇺🇩🇪🇺🇦 (@wahrheitgewinnt) July 16, 2022

Miqtë dhe familja e zotit Harding konfirmuan për BBC se ishte ai në video dhe familja e tij po mbështetet nga Ministria e Jashtme.

Ai kishte luftuar në rajonin Donbas të Ukrainës lindore që nga viti 2018.

Ai më parë i tha BBC-së se kishte udhëtuar atje për të përdorur aftësitë e tij si mjek luftarak, për të ndihmuar në luftën kundër rebelëve pro-rusë.

Ndryshe, dy burra të tjerë britanikë, Aiden Aslin dhe Shaun Pinner, të cilët gjithashtu u kapën në Mariupol, janë dënuar me vdekje nga një gjykatë ruse. /Telegrafi/