LAJMI I FUNDIT:

Brazili shpall një emergjencë gjashtëmujore pas gjetjes së disa rasteve të gripit të shpendëve

Brazili shpall një emergjencë gjashtëmujore pas gjetjes së disa rasteve të gripit të shpendëve

Brazili ka shpallur një emergjencë gjashtëmujore për shëndetin e kafshëve pasi u gjetën disa raste të gripit të shpendëve te shpendët e egër.

Sipas mediave të huaja, përcjell Telegrafi, shtatë raste janë raportuar në shtetin Espirito Santo, me një tjetër të zbuluar në shtetin Rio de Zhaneiro.

Deklarimi i gjendjes emergjente e bën më të lehtë për qeverinë që tani të marrë masa për të ndaluar përhapjen e virusit shumë infektiv H5N1.

Brazili është eksportuesi më i madh në botë i mishit të pulës, me shitje vjetore prej afro 10 miliardë dollarë.

Autoritetet thonë se rastet u gjetën shumë larg nga zonat kryesore të prodhimit të Brazilit në jug të vendit.

Megjithatë, ndonjëherë janë vërejtur shpërthime në tufat komerciale gjetkë që pasojnë zbulimin e rasteve të gripit të shpendëve te shpendët e egër.

Gjetja e një rasti në një fermë shpesh shkakton një vrasje të një numri të madh zogjsh – dhe ndonjëherë mund të nxisë kufizime tregtare nga vendet e tjera.

Emergjenca shëndetësore është shpallur në të gjithë vendin për 180 ditët e ardhshme si masë paraprake.

Bota ka kaluar nëpër shpërthimin e saj më të keq ndonjëherë të gripit të shpendëve që nga tetori i vitit 2021, duke shkaktuar vdekjen e më shumë zogjve të egër se kurrë më parë. Disa gjitarë po infektohen gjithashtu nga kjo sëmundje.

Shkencëtarët mbeten të pasigurt pse ky shpërthim po rezulton shumë më i keq se të tjerët, por Organizata Botërore për Shëndetin e Kafshëve (WOAH) ka raportuar “ndikime shkatërruese në shëndetin dhe mirëqenien e kafshëve”.

E Organizata Botërore e Shëndetësisë (OBSH) thotë se përhapja e mëtejshme e virusit H5N1 do të duhet të monitorohet nga afër për të parë nëse ai po ndryshon në një formë që mund të përhapet te njerëzit. /Telegrafi/

Në trend Botë

Më shumë
Sa armë bërthamore ka aktualisht NATO - dhe vendet e tjera - dhe Rusia?

Sa armë bërthamore ka aktualisht NATO - dhe vendet e tjera - dhe Rusia?

Botë
Më shumë se 550 pelegrinë - shumica egjiptianë - thuhet se kanë vdekur në Mekë pasi temperaturat shkuan në mbi 50 gradë Celsius

Më shumë se 550 pelegrinë - shumica egjiptianë - thuhet se kanë vdekur në Mekë pasi temperaturat shkuan në mbi 50 gradë Celsius

Botë
Në Rusi raportohen 139 raste me simptoma të botulizmit, shumë prej tyre janë në gjendje të rëndë

Në Rusi raportohen 139 raste me simptoma të botulizmit, shumë prej tyre janë në gjendje të rëndë

Evropa
Turmat po shijonin plazhin, u tronditën kur një peshkaqen po notonte me shpejtësi drejt bregut të një plazhi të njohur turistik në Spanjë

Turmat po shijonin plazhin, u tronditën kur një peshkaqen po notonte me shpejtësi drejt bregut të një plazhi të njohur turistik në Spanjë

Evropa
Putin premton paqe me Ukrainën, por Kievi duhet të plotësojë dy kushte

Putin premton paqe me Ukrainën, por Kievi duhet të plotësojë dy kushte

Evropa
Kryediplomati i Izraelit kërcënon Hezbollahun se do të shkatërrohej në rast të një

Kryediplomati i Izraelit kërcënon Hezbollahun se do të shkatërrohej në rast të një "lufte totale"

Botë
Kalo në kategori