LAJMI I FUNDIT:

Brad Pitt thuhet se ka flirtuar me të ndjerën Paula Yates

Brad Pitt thuhet se ka flirtuar me të ndjerën Paula Yates

Ylli i Hollywoodit, Brad Pitt, me sa duket kishte një dashuri të madhe për të ndjerën, prezantuesen dhe autoren, Paula Yates.

Sipas mikut të Yates, Gerry Agar Fennell, aktori i “Fight Club” ishte i ‘magjepsur’ pas saj dhe se të dy kishin një marrëdhënie ‘flirtuese’.

“Paula tha se Brad i dha unazën si një ‘shenjë respekti dhe dashurie për të’. Ajo më tha se kishte shumë flirt dhe ai i tha asaj se e adhuronte. Mbaj mend që Paula ishte e lumtur për kohën e tyre së bashku”, tha Fennell për Daily Mail.


Brad Pitt (Foto: Jason Merritt/Getty Images)

Yates vdiq 21 vjet më parë në moshën 41 vjeçe nga një mbidozë e drogës. Një nga njerëzit e fundit që e pa para vdekjes së parakohshme, ishte këngëtarja Lily Allen, e cila ishte 15 vjeçe në atë kohë.

Lily tha se Yates ‘po hante atë që do të rezultonte të ishte një nga vaktet e saj të fundit – sigurisht e fundit në publik – para se të tepronte me heroinë’.

Këngëtarja Andra Day hedh poshtë thashethemet për një lidhje dashurie me Brad Pitt
Lexo po ashtu Këngëtarja Andra Day hedh poshtë thashethemet për një lidhje dashurie me Brad Pitt

“Ajo u bashkua në drekë nga një djalë që të gjithë e dinim se ishte një tregtar heroine. Ata u larguan së bashku. Ishte pamja më e trishtë”, shtoi ajo.

Paula Yates (Foto: Getty Images)

Pitt këtë kohë u përfol për një lidhje dashurie me Andra Day, gjë të cilën e ka hedhur poshtë vet këngëtarja.

Artistja e “Rise Up”, 36 vjeçe, hodhi poshtë të gjitha aludimet se ajo dhe Pitt kishin shkëmbyer numrat e telefonit në ceremoninë e ‘Oscars’ të këtij viti – duke thënë se ‘nuk e ka takuar kurrë’ yllin 57-vjeçar. /Telegrafi/