Bordi i Barcelonës i ofron kontratë afatgjate Xavit, trajneri përgjigjet për këtë propozim

Xavi Hernandez do të largohet nga Barcelona në fund të sezonit dhe trajneri këtë e ka bërë të ditur muaj më parë.

Megjithatë në klubin katalunas po insistojnë që ta mbajnë Xavin edhe pas përfundimit të sezonit, duke i ofruar atij një kontratë afatgjate.

Bordi i Barçës është i përgatitur t’i ofrojë Xavi një “projekt afatgjatë” zbulon zëvendëspresidenti Rafa Yuste pas fitores 1-0 të së shtunës ndaj Las Palamas.

Lexo po ashtu Mjafton një gol i Raphinhas, Barcelona mposht me rezultat të ngushtë Las Palmasin

“Shpresoj dhe uroj që ai të vazhdojë këtu sepse po flasim për një projekt afatgjatë me të, jo një sezon apo dy. Ne do të përpiqemi të bindim Xavi, varet nga ai”, deklaroi Yuste.

Megjithatë Xavi është i vendosur për ta mbajtur premtimin e dhënë që të largohet në fund të sezonit.

Ai foli pas fitores kundër Las Palmas duke thënë se është më mirë që largohet në fund të sezonit se sa të ishte shkarkuar.

Lexo po ashtu “Barcelona e rinovuar” – formacioni i të tashmes dhe së ardhmes

“E ardhmja ime? Është koha për të pushuar dhe për të menduar për PSG,” tha ai.

“Hap pas hapi, asgjë nuk ndryshon. Ky skenar i qëndrimit deri në fund të sezonit është më i mirë për klubin sesa të shkarkohet trajneri”, deklaroi Xavi. /Telegrafi/