“Boki 13”: Fizikisht dukem mirë, por shëndeti im është përkeqësuar

“Qëndroj plotësisht në atë që e tha avokati im. Përvaç asaj që tha avokati im se dy herë jam operuar pa sukses, do të shtoja që gjendja ime shëndetësore është në rrezik. Unë kthehem në ato kushte. Mjekët e burgu kanë dëshirë të ndihmojnë, por nuk mundin për shkak të kushteve. Kam problme me organet. Jam në gjendje të mirë psikike. Operacionet janë të pasuksesshme për shkak të gabimeve mjekësore. Më është prerë nervi në stomak dhe kjo është arsyeja pse unë vjell. Kështu më ka thënë Spirovski nga Kirurgjia Torakale. Kam problem me mushkëritë dhe katër diagnoza. Pas shumë udhëzimeve të mjekëve në burg, kushtet në të cilat ndodhem nuk e lejojnë këtë”.

Këtë e tha sot Bojan Jovanovski i njohur si “Boki 13” në seancën publike në Gjykatën e Apelit, për ankesën që e ka dorëzuar për shfuqizimin e masës së paraburgimit, përcjell Telegrafi Maqedoni.

“Fizikisht duke mirë, por kjo nuk e pasqyron gjendjen time shëndetësore. Në këtë procedurë duhet të jem i gjallë dhe i shëndetshëm, e jo i vdekur. Në lidhje me ikjen, dua të shtoj se personaliteti, figura, familja dhe mentaliteti im nuk e lejojnë këtë. Kur u arrestova, nuk tentova të iki, por kisha pushim prej shtatë ditëve me shokët. Unë jetoj për ta treguar të vërtetën për këtë rast, ta tregoj pafajësinë time. E them qartë se këtu jam për të treguar faktet dhe provat e mia, të marrë pjesë në procedurë të drejtë”, tha Jovanovski.

Ai shtoi se për çdo ditë kërkon të shtrohet në spital, por këtë ia mundësojnë vetëm kur gjendja shëndetësore i përkeqësohet shumë.

Më herët avokati i “Boki 13” kërkoi që t’i shfuqizohet masa e paraburgimit dhe t’i zëvendësohet me masë tjetër./Telegrafi/