Biseda private e Rangnick me CR7 para se ta linte jashtë në FA Cup – trajneri u tregua i zgjuar që të mos i ndodhte ajo që i ndodhi Solskjaerit

Ralf Rangnick ka thënë se ai dhe Cristiano Ronaldo morën vendim të përbashkët që superylli portugez të mos luante në ndeshjen e Kupës FA kundër Aston Villas.

Manchester Unitedi siguroi pjesëmarrjen në raundin e katërt të kësaj gare, ndërsa 36-vjeçari nuk ishte në fushë dhe trajneri ka shpjeguar se ata kishin biseduar të dielën para seancës stërvitore në Carrington.

“Bisedova me Ronaldon para stërvitjeve. Ai më tha se ka pasur disa probleme në ditët e fundit, probleme të vogla. Në fund, vendosëm të mos rrezikonim në një ndeshje të kupës që me lehtësi mund të zgjaste 120 minuta”, ka thënë Rangnick në konferencën për shtyp.

Deklarata e trajnerit se ka biseduar me Ronaldon është cilësuar nga mediat angleze si një përpjekje për të shmangur ndonjë situatë problematike që i kushtoi me punë Ole Gunnar Solskjaer.

Lexo po ashtu Ronaldo mori vendime të gabuara kur iu bashkua Juves dhe Unitedit? Barca mund të jetë gabimi i radhës

Vendimi i ish-trajnerit për ta lënë CR7 jashtë ndeshjes kundër Evertonit u pasua me situata që çuan në shkarkimin e tij. Norvegjezi mori kritika të shumta, madje edhe nga Sir Alex Ferguson.

Sipas The Sun, asokohe Cristiano ishte hidhëruar tepër me vendimin e Solskjaer për ta lënë jashtë, edhe pse trajneri mendonte se ai ishte i lodhur pas takimit ndaj Villarrealit. Por, Ronaldo ia kishte bërë me dije se do t’i tregonte vet kur nuk mund të luante.

Sidoqoftë, vendimi i Rangnick për të mos e angazhuar në një sfidë të FA Cup nuk pritet të shkaktojë zhurmën e njëjtë, por trajneri i tanishëm i Djajve të Kuq është treguar i zgjuar duke e biseduar fillimisht situatën me 36-vjeçarin dhe pastaj vendimin e përbashkët ua ka komunikuar mediave. /Telegrafi/