LAJMI I FUNDIT:

Biden dhe Harris flasin pas nominimit nga demokratët: Zgjedhjet e ardhshme shumë të rëndësishme për Amerikën

Biden dhe Harris flasin pas nominimit nga demokratët: Zgjedhjet e ardhshme shumë të rëndësishme për Amerikën

Kandidati demokrat për president të Shteteve të Bashkuara të Amerikës, Joe Biden dhe e nominuara për pozitën e nënpresidentes, Kamala Harris i janë drejtuar kombit amerikan.

Dyshja demokrate kanë ardhur së bashku në një shkollë të mesme të shtetit të Delawares, ku kanë mbajtur fjalimin e parë si të nominuar për postet më të larta të SHBA-ve, raporton CNN.

Biden do të përballet me presidentin, Donald Trump në zgjedhjet e 3 nëntorit gjersa Harris, një senatore nga California, është gruaja e parë me ngjyrë dhe indiane që është propozuar për nënpresidente.

Ish-nënpresidenti amerikan gjatë presidencës së Barack Obama, Biden tha se zgjedhjet e ardhshme do të thonë shumë për Amerikën, transmeton Telegrafi.

“Zgjedhja që ne do të bëjmë këtë nëntor do të vendosin të ardhmen e Amerikës për një kohë shumë, shumë të gjatë. Donald Trump ka filluar tashmë sulmet e tij duke e quajtur Kamalan, citoj, si senatore e keqe”, tha fillimisht Biden.

“Nuk është befasi sepse vetëm zhurmë di të bëjë Donald Trump, më mirë se çdo president në historinë amerikane. A është dikush i befasuar me Donald Trump që ka problem me një grua të fortë, apo gra të forta?”, tha ndër të tjerash Biden.

Pse pikërisht Kamala Harris - pesë arsyet që e “detyruan” Bidenin ta nominonte për pozitën e nënpresidentes së SHBA-ve
Lexo po ashtu Pse pikërisht Kamala Harris - pesë arsyet që e “detyruan” Bidenin ta nominonte për pozitën e nënpresidentes së SHBA-ve

Pas paraqitjes në podium, Harris tha pohoi është e gatshme të marr këtë detyrë.

Ish-prokuroria 55-vjeçar tha para gazetarëve se “Ky është një moment për Amerikën. Gjithçka që na intereson, ekonomia jonë, shëndeti ynë, fëmijët tanë, lloji i vendit ku jetojmë, janë në pyetje”.

“Amerika po qanë për një udhëheqje, megjithatë ne kemi një president që kujdeset më shumë për vetveten sesa njerëzit që e zgjodhën atë. Ne nuk kemi pse të pranojmë qeverinë e dështuar të Trump-Pence,” shtoi ajo.

Kush është Kamala Harris, kandidatja e parë me ngjyrë për nënpresidente të SHBA-ve
Lexo po ashtu Kush është Kamala Harris, kandidatja e parë me ngjyrë për nënpresidente të SHBA-ve

Ndryshe, zgjedhjet presidenciale amerikane do të mbahen më 3 nëntor gjersa si kundër kandidat të Biden-Harris do të jenë republikanët, Donald Trump (president) dhe Mike Pence (nënpresident). /Telegrafi/

Në trend Botë

Më shumë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Në Çeki zbulohet një rrjet propagande i financuar nga Rusia

Në Çeki zbulohet një rrjet propagande i financuar nga Rusia

Evropa
Kalo në kategori