BFI: Buzaku sikur “Boki 13”

Dy orë kohë që Sulejman Rexhepi të lë detyrën dhe ta lëshojë pronën e uzurpuar të Bashkësisë Fetare Islame, ose në të kundërtën nëpërmes mediave do të publikohen materiale, dëshmi të frikshme për krimet e tij. Këtë ultimatum e dha Skender Buzaku, pretendent për kryetar të BFI-së. Ai u bëri thirrje të gjithë hoxhallarëve që janë larguar nga BFI-ja për shkak se kanë menduar ndryshe, t’i bashkëngjiten nismës për reforma dhe tha se të gjithë nëpunësit që janë brenda BFI-së që nuk janë të përzier në ngjarje kriminale do të avancohen. Buzaku tha se deri më tani kanë heshtur për hir të proceseve nëpër të cilët po kalon vendi.

Akuzave të Buzakut i janë kundërpërgjigjur nga Bashkësia Fetare Islame. Në një prononcim me shkrim për “TV21” ata Buzakun e krahasojnë me “Boki 13-të” dhe thonë se Skender Buzaku ёshtë kthyer nё sinonim tё zhvatjes publike ndaj BFI-sё si njё njeri i mbrojtur nga Qeveria.

Lexo po ashtu Skënder Buzaku jep afat 72 orë që Sulejman Rexhepi të jep dorëheqje, në të kundërtën do të publikojë fakte

Nga atje rikujtojnë se gjatë puçit tё vitit 2015, Skender Buzaku kishte dёnim gjyqësor me kusht pёr ushtrim dhune dhe njoftojnë se ai e përsëriti veprën. Nga Prokuroria Themelore sot nuk na kthyen përgjigje as për faktet që Buzaku pretendon se i ka dorëzuar në Prokurori, por as nuk na e vërtetuan nëse imamët e BFI-së kanë dhënë deklarimet e tyre.