Besa ndihet e pastër si loti pas dyshimeve që u përhapën për kurdisjen e ndeshjes me Trepçën. Klubi i madh kosovar shpreh gatishmërinë për ta dëshmuar pafajësinë edhe para organeve të drejtësisë, të cilat sot pritet t’i marrin në pyetje tre futbollistë pejanë: Arben Beqirin, Fatmir Rexhën dhe Vildan Kutiqin, me kërkesë të FFK-së. Besa u premton mbrojtje të tre lojtarëve të saj
Java e fundit e tronditi futbollin kosovar, duke u zbuluar tri raste të dyshimta për kurdisje, shkruan sot gazeta Zëri.
Ajo që i parapriu gjithë kësaj turbullire, e cila u shkaktua ditëve të fundit ishte ndeshja ndërmjet Besës dhe Trepçës që po dyshohet të ishte e kurdisur. Federata e Futbollit të Kosovës më në fund ka reaguar, për herë të parë pas luftës, duke e dërguar rastin në Prokurori dhe në Policinë e Kosovës.
Megjithatë, pejanët zotohen se janë të pastër si loti dhe se nuk kanë hyrë në “pazare” të tilla.
“Ne ndihemi të pastër, nuk u hyjmë këtyre lojërave të ndyta. Lojtarët tanë e dhanë maksimumin, por befasitë ndodhin në futboll. Nuk jemi marrë dhe nuk do të merremi asnjëherë me gjëra të tilla negative”, thotë për “Zërin” sekretari i klubit pejan, Egzon Maraj.
Besa mbron lojtarët
Komisioni Disiplinor i Shkallës së Parë të FFK-së ka hapur procedurë disiplinore ndaj tre futbollistëve të Besës, Arben Beqiri, Fatmir Rexha dhe Vildan Gutiq, me arsyetimin e mosangazhimit të qëllimshëm. Ata po ashtu do të jenë të detyruar të paraqiten në Prokurori dhe Polici për të dhënë deklarata.
Sidoqoftë, klubi Bardhekuq nuk shqetësohet për këtë punë pasi siguron se futbollistët në fjalë nuk janë të përfshirë në skandale të tilla dhe se në fund do të dalin të pafajshëm.
“Ne i kemi deklaruar sot (e enjte) deklaratat e tre lojtarëve në fjalë në FFK, ashtu siç na është kërkuar. FFK-ja e ka dërguar rastin në Polici dhe në Prokurori dhe neve na janë kërkuar deklarata edhe nga këto dy institucione. Një gjë të tillë do ta bëjmë nesër (të premten)”, u shpreh ndër të tjera Maraj.
“Është e pakuptimtë të akuzohen për kurdisje lojtarët që e kanë zhvilluar ndeshjen e parë në Superligë. Ata nuk kanë aspak faj, janë munduar ta jepnin më të mirën nga vetja, por u ka munguar përvoja. Ne do ta bëjmë të pamundurën që t’i mbrojmë ata, nuk po mendojmë fare se mund të dënohen apo të suspendohen. Siç jemi ne si klub, edhe ata janë të pastër”, përfundoi Maraj.
Jo vetëm kaq. Futbolli kosovar u trondit me një tjetër skandal këtë javë, kur u përhap një video, në të cilën shihej gjyqtari Bajram Gashi në takim me trajnerin Ismet Munishi pak ditë para ndeshjes Drita – Prishtina, të cilën do ta referonte pikërisht ky refer.
Gashi në këtë video-skandal tregon se e kishte ndihmuar ekipin gjilanas në fitoren ndaj prishtinasve vitin e kaluar dhe e kishte në plan ta ndihmonte përsëri Dritën, por FFK-ja e suspendoi atë duke e vendosur një refer tjetër për ndeshjen që e fituan kryeqytetasit të mërkurën.
Rasti i fundit, skandali numër tre u zbulua nga “Zëri”, pasi ish-kryetari i Ferizajt, Heset Maliqi – “Quza” tregoi se një ndeshje ishte shitur pas shpinës së tij derisa po e mbante këtë post tek ferizajasit.
FFK-ja në aksion
FFK-ja është shqetësuar seriozisht rreth skandaleve të fundit në futboll. Përpos ndërmarrjes së masave që i takojnë në këtë situatë, shtëpia e futbollit po përgatit fushatë vetëdijshmi.
“Të premten do të mbajmë mbledhje Komiteti Ekzekutiv për të marrë qëndrime zyrtare, kurse Komisionet tona janë të pavarura dhe do të marrin vendime të pavarura. Këtyre gjërave duhet t’u thuhet stop njëherë e përgjithmonë. Duhen respektuar ligjet. Do të kemi takime me klube, trajnerë e me lojtarë, pra do të bëjmë fushatë sensibilizimi. Ndërsa Prokuroria e Policia do ta kryejnë punën e vet sepse janë të obliguara për ta zbatuar ligjin. Ne kemi kërkuar nga Policia e Pejës që rastin e ndeshjes Besa – Trepça ta procedojë në Prokurori”, ka deklaruar sekretari i FFK-së, Eroll Salihu. /Zëri/
Lufta Prigozhin - Putin
Më shumëMësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Polemika për golin e anuluar të Bayernit: Ishte apo jo pozicion jashtë loje?
Festimi i veçantë i Rudiger: 70 metra sprint në stilin e tij!
Tifozët assesi të pajtohen me atë që Henry ka thënë për Mbappen
Ancelotti: Ankesat e Bayernit? Në rregull, ankohemi edhe ne për golin e Nachos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend