Berisha porosit Vetëvendosjen: Ejani ta kundërshtojmë Qeverinë (Video)

“Ne kemi qenë bashkë në një front, por Vetëvendosje e ka ndërruar mënyrën e kundërshtimit”, tha anëtari i Kryesisë së AAK-së, Anton Berisha, në “Rrokum Rroll” të TV Rrokum.

Ai vlerësoi se AAK nuk ka kohë me humb me dokumente, se për të tash është koha e punës e jo e letrave.

Berisha e këshilloi Vetëvendosjen të vazhdojë me kundërshtimin e kësaj qeverie e të lënë zhvillimin e debateve brenda opozitës.

Berisha tha se Haradinaj duke e përkrah idenë e Ibrahim Rugovës për shqiptarizëm është vënë në kundërshtim të kësaj qeverie që ka nënshkruar marrëveshje të dëmshme për vendin, e për kurrfarë arsye tjera politike.

“Ata munden me fol tërë ditën me na shajt e me na lëvdua. Ne kemi treguar në kohë të vështira se për çështje kombëtare nuk bëjmë kalkulime”, tha ai, duke folur për VV-në.

“Humbja e energjisë brenda opozitës matematikisht, në frymë e në përkrahjen qytetare e dobëson kundërshtimin”, tha ai.

Berisha tha se protestat i kanë dërguar selam qeverisë se nuk mundet me qeverisë siç duan ata, por siç tha ai, janë disa rregulla.

“Ne e vazhdojmë rrugën tonë, kjo është rrugë politike, rrugë që e kemi kaluar nëpër sfida të ndryshme. Rruga vazhdon s’është me rëndësi kush udhëheq”, tha më tej ai.

Ndërsa krejt në fund kur u pyet për shoqërinë civile, Berisha tha se është në ndërgjegjjen e tyre se çfarë dëshirojnë të bëjnë.

“A dëshirojnë të vazhdojnë me kundërshtim, a dëshirojnë me qëndrua në hije, le të vendosin ata. Jemi mësuar me histori të shqiptarëve në 500 vjetët e fundit”, theksoi ai. /Telegrafi/