0Shares

Deputeti i Nismës për Kosovën, Zafir Berisha, në emisionin InfoBox të RTV Dukagjinit, ka thënë se ai u decertifikua nga gara për kryetar të Prizrenit, me po të njëjtat ligje me të cilat është bërë deputet.

Ai tha se e gjitha është bërë për 140 euro të cilat i ka paguar por, siç thotë ai, nuk ka qenë në dijeni se gjithçka është e organizuar nga bandat e PDK-së dhe se kjo do të ketë këtë përfundim. Berisha u shpreh se PDK e di që po dështon me Prizrenin dhe se qëllimi është që të marrë votuesit e tij.

Megjithatë, Berisha ua tërhoqi vërejtjen subjekteve që po qeverisin, AAK-së e PDK-së, se ai është vota e 61-të e tyre dhe se largimi i tij nga ky koalicion do të baraspeshonte gjithçka në Kuvend.

Deputeti i Nisms deklaroi se do të vazhdojë të kërkojë drejtësi dhe se ka shpresë se prapë do të jetë kandidat i Nismës për kryetar të Prizrenit. Por, edhe nëse kjo nuk ndodh, ai beson se kandidati i Nismës do të triumfoj, pasi do t’i qëndrojë pas. /RTV D/Telegrafi/

Të Ngjajshme
Shfaq Komentet (0)