Bekteshi: Bashkimi Evropian është “çudi ekonomike”, nuk lejon kontrollimin e ekonomisë nga disa individë

Ministria i Ekonomisë, Kreshnik bekteshi e quajti Bashkimin Evropian si një “çudi ekonomike” në tribunën “Ne jemi Evropë”.

Sipas tij, Bashkimi Evropian nuk lejon që 10 ose 20 persona ta mbajnë ekonominë e një shteti. Individë të tillë, tha Bekteshi, ka në Rusi dhe në vende tjera lindore, kurse te ne ka pasur deri në vitin 2017 para se të ndryshojë qeveria.

“Të rinjtë ikin nga vendi për shkak me idetë e tyre nuk mund të jenë konkurentë ndaj 10 ose 15 oligarëve që janë nga viti 1991 deri sot e që mbulojnë 90% të tregut të një sektori të caktuar”, u shpreh Bekteshi.

Sipas Bekteshit, kjo i frenon të rinjtë të cilët hasin në pamundësinë e realizimit të vizioneve dhe ideve të tyre dhe largohen nga vendi, kurse BE-ja, tha Bekteshi, ka mekanizma dhe reforma antimonopol.

“Politikat e BE-së ofrojnë të njëjtën mundësi, pavarësisht se kush është. Në BE zhvillimi ndërtohet vetëm me konkurrencë dhe me mundësi të barabarta për të gjithë, nuk ka diskriminim ndaj asnjë qytetari. Kjo është mënyra për të mbajtur të rinjtë, tha Bekteshi./Telegrafi/