Barcelona dhe Bayerni në ‘luftë’ për Emre Can

Mesfushori i Juventusit, Emre Can thuhet se ka futur në një garë të fortë dy klubet e mëdha evropiane, Barcelona dhe Bayern Munich.

Sipas mediumit italian Gazzetta dello Sport, interesimi nga dy klubet është intensifikuar në orët e fundit.

Emre Can duket se ka rënë në hierarkinë e Juventusit dhe drejtuesit janë të interesuar ta shesin mesfushorin para mbylljes së afatit kalimtar.

Lexo po ashtu Barcelona udhëheq garën për transferimin e Emre Can

Ish-ylli i Liverpoolit gjithashtu rrezikon të mbetet jashtë skuadrës së Ligës së Kampionëve te Zonja e Vjetër dhe largimi i tij duket i pashmangshëm.

Pavarësisht se mbërriti vetëm verën e kaluar, bardhezinjtë e shohin atë si një lojtar që mund të sjell fitime të rëndësishme pasi erdhi si transferim i lirë.

Duke pasur parasysh këtë, gazeta italiane pretendon se ata janë të gatshëm ta shesin atë për një tarifë prej 30-35 milionë eurosh.

Lexo po ashtu Bayern dhe PSG e duan Emre Canin

Juve tashmë kanë zhvilluar bisedime me Barçën për 25-vjeçarin, ndërsa Bayerni ka nevojë për një zëvendësim afatgjatë për Javi Martinezin.

Edhe pse ai nuk mori pjesë në ndeshjen e Serie A kundër Parmas fundjavën e kaluar, ai është thirrur në skuadrën e Gjermanisë për ndeshjet e tyre të shtatorit. /Telegrafi/