LAJMI I FUNDIT:

“Banesat e Solidaritetit” në Gjakovë bëhen me shesh dhe park të lojërave

“Banesat e Solidaritetit” në Gjakovë bëhen me shesh dhe park të lojërave

Në komunën e Gjakovës, përkatësisht te Banesat e Solidaritetit sot është bërë inaugurimi i Sheshit dhe Parkut të lojërave, në të cilën ka marrë pjesë edhe kryetari i kësaj komune Ardian Gjini.

Gjini tha se zona ku u ndërtua sheshi, ka qenë e papërdorshme e njëherësh u zotua që do t’i përfundojnë edhe disa punë të mbetura në këtë zonë, të cilat i quajti cikërrima.

Ai po ashtu tha se në këtë komunë do të punohet me radhë edhe në zonat e tjera të ngjashme.

“Këtu ka qenë krejt ndryshe, kanë qenë rezervuarët e ngrohjes që nuk janë përdorur më edhe kanë qenë trotuaret keq, rruga keq, janë kryer të gjitha, kanë mbetur edhe disa cikërrima të rregullohen. Prej fillimit të vitit të ardhshëm do të shkojmë në zona të ndryshme të qytetit dhe t’i përfundojmë të gjitha punët, do të shkojmë duke i hapur, do të thotë disa zona do të jenë model dhe do të shkojnë duke u hapur në mënyrë që të mos kthehemi prapë të punojmë në të njëjtin vend”, tha Gjini.

Sipas Gjinit, ky projekt ka kushtuar në një vlerë prej afro 40 mijë euro, por ai tha se investimi do të vazhdojë.

“Këtu është diku rreth 30 mijë euro, nuk ka qenë më tepër 30-40 mijë euro, mirëpo me këto mjete ka ndryshuar plotësisht pamja e këtij vendi, po prapë do të vazhdojmë me elemente të tjera dhe do t’i zgjerojmë këto zona”, ka thënë Gjini.

Përndryshe, gjatë ditës së sotme në komunën e Gjakovës janë inauguruar edhe tri rrugë në fshatrat Rogovë, Ujz dhe Lipovec.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori