Bale: Nuk e di kush është kryeministri i Britanisë së Madhe, nuk i lexoj shumicën e gjërave të parëndësishme

Futbollisti uellsian, Gareth Bale, ka pranuar se bën jetë të thjeshtë dhe i tërhequr nga raportimet në media, aq sa nuk e di se kush është kryeministri aktual i Britanisë së Madhe.

Ylli i Real Madridit ka qenë vazhdimisht në media sportive gjatë këtij viti për shkak të dyshimeve për të ardhmen e tij, por duket se të gjitha këto spekulime, ai as që i ka lexuar për faktin se i injoron mediat.

Lexo po ashtu Gareth Bale ka shkuar në Londër për arsye personale

“Nuk kam asgjë në telefonin tim, prandaj nëse miqtë e mi nuk më dërgojnë diçka ose nëse nuk më thonë agjentët diçka që duhet të di, unë nuk i kushtoj vëmendje. Nuk e konsideroj të rëndësishme”.

“Unë i shikoj gjërat në aspektin financiar, sepse ndikojnë tek unë në një mënyrë të caktuar për investimet ose për para, sepse gjërat ndryshojnë, por nuk i lexoj shumicën e gjërave pa kuptim…”.

“Sinqerisht, nuk i di 99 për qind të gjërave rreth Brexitit. Madje as nuk e di se kush është kryeministër tash. Nuk ia kam idenë. Nuk kam ndonjë ndikim në këtë gjë, prandaj nuk më intereson”.

“Unë e përcjell golfin, kjo ka rëndësi për mua. Dëshironi t’jua them se kush është më i miri në botë?”, ka deklaruar Bale për The Telegraph, duke shtuar se të ardhmen pas futbollit e sheh pikërisht duke u marrë me golf. /Telegrafi/