Kryetarja e Gruas së Nismës Socialdemokrate, Valdete Bajrami, ka reaguar pas deklaratës se kryeministres serbe, Brnabiq, e cila deklaroi se nuk ka respekt për bashkëkryesuesin e Delegacionit për Bisedime me Serbinë, Fatmir Limajn dhe do të donte që dialogun me Serbinë ta udhëheqtë ndonjë profesor.

Bajrami në një shkrim në llogarinë e saj në ‘Facebook’, ka shkruar se Kosova është shtet i pavarur falë luftës së ushtarëve të UÇK-së. Anëtarja e kryesisë së Nismës ka thënë se i pëlqeu kryeministres serbe ose jo, Fatmir Limaj ka qenë do të do të jetë në mbrojtje të shtetit tonë.

Brnabiq vazhdon me akuza ndaj liderëve të Kosovës, nuk kërkon falje që i quajti "njerëz të dalë nga mali" (Video) Brnabiq vazhdon me akuza ndaj liderëve të Kosovës, nuk kërkon falje që i quajti "njerëz të dalë nga mali" (Video)

Postimi i plotë i Valdete Bajramit:

Po ia rikujtoj kësaj zonjës se edhe presidenti i shtetit të saj pati deklaruar kështu, por fatmirësisht Kosova është shtet i pavarur falë luftës së ushtarëve të UÇK-së, falë gjakut të derdhur për këtë shtet. Edhe diçka ti zonjë, Fatmir Limaj ka qenë, është dhe do të jetë në mbrojtje të shtetit tonë të pëlqeu apo nuk të pëlqeu ty. Nuk je ti apo dikush tjetër që vendos për këtë, adaptohuni me humbjen e Kosovës qysh në ‘99. Kosova tash më ka vendos që z.LIMAJ ta ketë në udhëheqje të delegacionit tonë. #kosovashteti11