Kryetari i komunës, Agim Bahtiri, së bashku me nënkryetarin Faruk Mujka, sot kanë pritur në një takim kryetaren e Kuvendit të Kosovës, Vjosa Osmani, e cila shoqërohej nga deputët e Kuvendit të Kosovës Albena Reshitaj e Haxhi Avdyli, njëherësh anëtarë të Komisionit për Shëndetësi dhe Mirëqenie Sociale dhe Hajrullah Çeku, anëtar i Komisionit Hetimor për Procesin e Privatizimit në Kosovë.
“Qëllimi i këtij takimi ishte për të parë për së afërmi menaxhimin e situatës me pandeminë COVID-19 në qytetin e Mitrovicës, dhe për të diskutuar në lidhje me sfidat mjedisore, trajtimi i tyre dhe ndikimin që kanë në shëndet.
Fillimisht, kryetari Bahtiri ka falënderuar kryeparlamentaren Osmani dhe deputetët e pranishëm për vizitën dhe interesimin e tyre për situatën epidemiologjike, si dhe për ruajtjen e ambientit në qytetin e Mitrovicës, me ç’ rast ai vlerësoi se komuna në vazhdimësi po e menaxhon mirë gjendjen me virusin COVID-19, duke i njoftuar njëkohësisht se gjatë ditës së djeshme Shtabin Emergjent Komunal ka marrë masa shtesë preventive më të efektshme në luftimin e këtij virusi.
Ndërkaq, kryeparlamentarja Osmani, falënderoi kryetarin Bahtiri për mikpritjen e bërë, duke e përgëzuar atë për menaxhimin e suksesshëm deri më tani të situatës me pandeminë COVID-19. Ajo u shpreh e bindur se masat e reja të marra nga Komuna e Mitrovicës do të japin shembull të mirë tek qytetarët”, thuhet në njoftimin për media.
Po ashtu, Osmani potencoi se ky takim zhvillohet në kuadër të ‘vizitave të gjelbra’ nëpër komuna, me qëllim që të identifikohen problemet që kanë të bëjnë me ndotjen e ambientit në vendin tonë, në mënyrë që të ndërmerren masa adekuate për tejkalimin e tyre.
“Me këtë rast, kryetari Bahtiri duke u ndërlidhur me diskutimin për çështjet e ambientit, theksoi se komuna është duke punuar në këtë drejtim, dhe se po realizohen projekte madhore siç janë rregullimi i shtratit të lumit Ibër dhe Sitnica, projekte këto që do të ndikojnë dukshëm në përmirësimin e mjedisit tonë. Përveç kësaj, ai tha se komuna ka të angazhuar kompaninë “Uniteti” për pastrimin e gjithë qytetit, e cila në vazhdimësi kryen punë të shkëlqyeshme.
Pas këtij takimi të mbajtur në ndërtesën e administratës komunale, kryetari Bahtiri, nënkryetari Mujka dhe kryeparlamentarja Osmani, së bashku me deputetët e lartpërmendur, kanë vizituar hapësirat e gjelbra përreth Liqeni Akumulues, ku janë takuar edhe me qytetarë të Mitrovicës e të shoqërisë civile, me të cilët kanë biseduar lidhur me rëndësinë që ka ambienti, sidomos gjatë kësaj periudhe të pandemisë, pasi që është konstatuar se ambienti i mirë nënkupton shëndet të mirë”, thuhet më tej në njoftim.
Kryetari Bahtiri së bashku me nënkryetarin Mujka dhe kryepralamentaren Osmani, të shoqëruar nga deputetët, kanë realizuar një vizitë edhe në kompleksin industrial “Trepça”, ku janë pritur nga u.d të kryeshefit ekzekutiv të kësaj ndërmarrje publike, me ç’ rast janë njoftuar nga afër me problemet dhe sfidat me të cilat ballafaqohen që nga paslufta pjesët e këtij kompleksi industrial, siç janë; Industria e akumulatorëve, Industria kimike dhe Metalurgjia e zinkut. /Telegrafi/
Promo
Reklamo këtuLufta Prigozhin - Putin
Më shumëVotoi pro Kosovës në Asamblenë Parlamentare të KiE-së, kërcënohet deputeti boshnjak
Diskriminimi ndaj shqiptarëve në Serbi, Von Cramon dhe eurodeputetët e tjerë shprehin shqetësimin dhe kërkojnë veprime
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert