Babai i David Beckham dhe bashkëshortja e tij presin taksin për t’u larguar nga dasma e nipit – teksa pjesa tjetër e familjes shihen me makina të shtrenjta

Dasma e Brooklyn Beckham me Nicola Peltz ishte një shpërthim i pasurisë, me të ftuar të famshëm dhe vëmendje të madhe mediatike.

Dhe ndërsa shumica e familjes së profilit të lartë u panë me makina të shtrenjta gjatë fundjavës, gjyshi i Brooklynit, Ted dhe njerka, Hilary, u panë duke iu përmbajtur mënyrave tradicionale dhe më pak të kushtueshme të transportit.

Pasi familja shijoi një mëngjes të vonë pas martesës në një nga pronat në kompleksin e familjes Peltz në Palm Beach, Ted, 74 vjeç, u fotografua duke pritur me durim jashtë derës së përparme për një taksi (Uber), shkruan DailyMail.

I veshur me një këmishë të bardhë dhe me një tatuazh në krahun e tij të majtë, Ted ishte duke buzëqeshur së bashku me gruan e tij avokate, e cila kishte një bluzë të bardhë.

Ndërkohë, asi i futbollit David u pa duke u larguar nga mëngjesi i të birit dhe nuses së re pas dasmës në një nga automjetet e shumta luksoze – Maserati MC20 të zi 200,000 dollarë (183 mijë euro).

Ish-mesfushori i Manchester United dhe Anglisë përdori dasmën e djalit të tij të madh si një mundësi për t’i dhënë kompanisë së restaurimit të makinave Lunaz – me të cilën ai ka 10 për qind të aksioneve – një asistim të vlefshëm duke përdorur një nga automjetet e tyre klasike atë ditë.

David, 46 vjeç, u pa gjithashtu pas timonit të një Jaguar XK140 të elektrizuar dhe të ri-inxhinieruar të vitit 1954, pas dasmës magjepsëse të Brooklynit, të kryer brenda shenjtërores së mbyllur në Palm Beach të Miamit.

Futbollistit të pensionuar iu bashkua stilistja dhe ish-anëtarja e “Spice Girl”, Victoria, 47 vjeçe, ku të dyja u panë gjithashtu me të njëjtën makinë klasike prej 500,000 dollarësh (458 mijë euro) përpara pjesëmarrjes së tyre në ceremoninë e martesës.

Beckham është një investitor i kompanisë së restaurimit me bazë në Mbretërinë e Bashkuar Lunaz, duke marrë 10 për qind të aksioneve në kompani në qershor 2021.

Lexo po ashtu David Beckham i bën dhuratë për martesë djalit të tij Brooklyn një Jaguar elektrik me vlerë mbi 400 mijë euro

Makina klasike – që më vonë iu dorëzua Brooklynit dhe Nicolas teksa ata dolën për një mëngjes luksoz – ishte produkt i mijëra orëve punë nga 120 anëtar të ekipit të kompanisë me zejtarë, projektues dhe teknikë të automjeteve elektrike (EV) dhe u ndërtua tërësisht në shtëpinë e Lunazit në Silverstone të Anglisë.

Adhuruesi i makinave Beckham është një nga një grup investitorësh të pasur Lunaz që përfshin Vëllezërit Reuben, Familjen Barclay dhe Alexander Dellal. /Telegrafi/