Temperatura rekord janë regjistruar në Australi. Autoritetet në shumë zona janë në alarm për shkak të rrezikut nga zjarret.

Termometri ka shkuar në 42 gradë Celsius. Sipas autoriteteve, Uellsi i Ri Jugor po përballet me një thatësirë të plotë. Rreth 7 mijë banesa kanë mbetur pa energji elektrike, për shkak të nxehtësisë.

Kjo valë ekstreme e të nxehtit po shkatërron faunën dhe florën. Vetëm në qytetin Allis Springs kanë ngordhur mbi 100 kuaj të egër. Rreth një milion peshq janë gjetur të ngordhur përgjatë brigjeve të lumenjve në Australinë Perëndimore.

Autoritetet u kanë bërë thirrje njerëzve që të qëndrojnë në ambiente të mbyllura dhe të kufizojnë aktivitetin fizik. /Telegrafi/