Aurela Gaçe njofton se persona të paautorizuar kanë thyer faqen e saj në Facebook

Këngëtarja e njohur shqiptare, Aurela Gaçe, javën e kaluar publikoi këngën e saj më të re “Lento lento”.

E teksa po shijon suksesin e projektit të saj muzikor më të fundit, diçka jo e mirë duket të ketë ndodhur me këngëtaren me prejardhje nga Vlora.

Gaçe ka njoftuar fansat e saj se faqja zyrtare e saj në rrjetin social Facebook është hakuar nga persona të panjohur.

Në një lajmërim të bërë në rrjetin social Instagram, Aurela shkruan se ajo edhe ekipi i saj po bëjnë të pamundurën për ta rikthyer faqen e saj të Facebook-ut.

https://www.instagram.com/p/CDyVpDRgyQl/

“Te dashur miq, ndjekës të faqes time te verifikuar në Facebook-Fanpage! Ju bëj me dije se faqja është marrë nga hackers. Po përpiqemi ta marrim mbas. Faleminderit secilit qe më ka ndjekur ne atë faqe prej më se 10 vjetësh, duke u bërë më shumë se 700mije zemra. shpresoj te komunikojmë së shpejti përsëri në të njëjtën faqe #Fanpage #aurelagace”, ka shkruar ajo në Instagram.

Nuk është e rrallë që këngëtarët shqiptarë bien pre e sulmeve të tilla kibernetike, veçanërisht kjo dukuri është e shprehur në rrjetin social Facebook. /Telegrafi/