Aubameyang lidhet me një transferim te Barcelona pasi iu hoq shiriti i kapitenit te Arsenali

Ish-kapiteni i klubit anglez, Arsenalit, Pierre-Emerick Aubameyang po lidhet me një transferim te gjiganti i La Ligas, Barcelona.

Sipas The Mirror, Aubameyang është favorit për të zëvendësuar Sergio Agueron te Barcelonë, pasi sulmuesit nga Gaboni iu hoq dje shiriti i kapitenit të Arsenalit.

Mikel Arteta refuzoi të garantonte se ish-kapiteni i tij do të luajë përsëri për Topçinjtë pas një tjetër “shkeljeje disiplinore” javën e kaluar.

Lexo po ashtu Arteta dhe Aubameyang me raporte të tensionuara, trajneri e la sulmuesin jashtë skuadrës për shkaqe disiplinore

Sulmuesi i shpejtë nuk ishte pjesë e skuadrës për ndeshjen e fundjavës ndaj Southampton për shkak të kthimit me vonesë nga një udhëtim në Francë dhe tani do të humbasë edhe përballjen e së mërkurës me West Ham.

Ai gjithashtu nuk është më kapiten, pasi gabimet dhe shkeljet e njëpasnjëshme kanë shtyrë Artetan të marr këtë vendim.

Lexo po ashtu Zyrtare: Arsenali ia merr Aubameyangut shiritin e kapitenit

Legjenda e Manchester Cityt, Aguero, i cili iu bashkua Barcelonës në një transferim të lirë në verë, do të njoftojë tërheqjen e tij sot (e mërkurë) për shkak të një problemi në zemër.

Aubameyang do të ishte një zëvendësues ideal, por paga e tij prej 350 mijë funtesh në javë paraqet një pengesë të madhe për klubin katalunas që ka rreth 1 miliard euro borxhe. /Telegrafi/