Parashihet që në dekadat e ardhshme të zhduken rreth 40 për qind e disa llojeve të insekteve.
Ndoshta nuk ju pëlqejnë insektet dhe mendoni se bota do të ishte më e mirë pa disa specie të caktuara, por e vërteta është se zhdukja e tyre do të shkaktonte kaos ekologjik dhe zhdukje të ushqimit për njerëzit dhe kafshët, transmeton Telegrafi.
Më poshtë ju sjellim ndikimin në jetën që do të kishte zhdukja e plotë e vetëm tre llojeve të insekteve, që pothuajse të gjithë ne i dimë:
Organizata jofitimprurëse për mbrojtjen e mjedisit ”Earthwatch”, i ka shpallur bletët si “krijesat më të rëndësishme të gjalla në planet”. Përveç që janë prodhuese të mjaltit, ato janë polenizuesit kryesorë të botës së bimëve dhe gur themel i burimeve natyrore që mundësojnë krijimin e farës në bimë. Pa bletë, prodhimi i të korrave do të pësonin rënie për 30 për qind, kurse 90 për qind e specieve të luleve do të zhdukeshin.
Edhe pse bletët janë vendimtare në ruajtjen e ushqimit për njerëz dhe biodiversitetin biologjik, “popullsia” e këtyre insekteve ka rënë për 30 për qind gjatë dekadës së fundit, kurse në disa vende janë shumë pranë zhdukjes totale. Ndër shkaqet kryesore të zhdukjes janë ndryshimet klimatike dhe përdorimi i madh i kimikateve në bujqësi.
Kaçabutë janë insekte që të gjithë i urrejnë dhe ekzistojnë shumë arsye për këtë. Përveç që duken të pështira, ato transmetojnë baktere, shkaktojnë alergji dhe lënë jashtëqitje në vendet ku kalojnë. Sidoqoftë, vlerësohet se vetëm 20 lloje nga 3,500 sa janë insekte në botë, njerëzimi i urren.
Larg qyteteve, kaçabutë janë burim ushqimi për gjitarë të vegjël, zogj dhe zvarranikë. Për më tepër, ato konsumojnë substanca që dekompozohen në natyrë, kurse jashtëqitjen që e lënë është plotë me oksigjen, një element kryesor për rritjen e bimëve. Pra, pa këto insekte, do të krijohej një çekuilibër në ekosistem, si në botën shtazore ashtu edhe në atë bimore.
Mizat janë insekte me një reputacion të keq. Ato identifikohen ekskluzivisht me papastërtinë, transmetimin e sëmundjeve dhe lëvizjet e bezdisshme. Megjithatë, mizat gjithashtu kanë një rol pozitiv për të cilin pothuajse nuk flitet kurrë, por që lehtëson shumë mbijetesën tonë në Tokë.
Po të zhdukeshin mizat, eliminimi i mbeturinave të ndryshme organike do të lihej vetëm për bakteret dhe kërpudhat, kurse procesi do të zgjaste shumë më gjatë. Përveç se janë një faktor i nevojshëm për riciklimin e llojeve të ndryshme të mbeturinave, disa lloje të mizave gjithashtu janë polenizues aktiv të bimëve.
Këto janë vetëm tre lloje insektesh që të gjithë e dimë se pa to ky planet nuk do të ishte një shtëpi mikpritëse. Ka shumë insekte që kurrë nuk kemi dëgjuar për to edhe pse ato funksionojnë në të mirën tonë. Por, ka edhe shumë tjera që ndoshta kurrë nuk do t’i njohim, gjykuar nga statistikat e frikshme të studiuesve. /Telegrafi/
Promo
Reklamo këtuLufta Prigozhin - Putin
Më shumë"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
Sondazhi i New York Times - kush po udhëheq, Harris apo Trump
Polonia miraton ligjin që ua mundëson autoriteteve përdorimin e armëve kundër emigrantëve në kufi me Bjellorusinë
Protestuesit në SHBA djegin flamujt amerikanë gjatë fjalimit të Netanyahut në Kongres, Trump kërkon dënime të ashpra për ata që e përdhosin flamurin
Mediat serbe publikojnë detaje të reja rreth vrasjes së Faton Hajrizit në Serbi
A është e përgatitur Evropa për një presidencë të dytë Trump?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Zana Spahiu dorëhiqet nga ushtruesja detyrës së drejtoreshës në RTK
Liverpooli po i transferon dy yjet e rivalit nga Liga Premier për 100 milionë euro
Ripërserit Daçiq: Është i pamundur ekstradimi i Radoiçiqit, Serbia nuk e njeh Kosovën
I kërkuar nga Real Madridi: Trent Alexander-Arnold ka vendosur për të ardhmen e tij
Trump: Nëse iranianët më vrasin, Amerika dua që ta zhduk Iranin
Kur do të kthehet trupi i Faton Hajrizit, flet Ivica Daçiq