Bukuroshja e Bollywoodit dhe modelja ndërkombëtare, Mallika Sherawat, është sulmuar me gaz lotsjellës dhe është rrahur nga tre persona në afërsi të apartamentit të saj në Paris.
Sulmi i tmerrshëm ndaj seks-simbolit nga India, vjen pak më shumë se një muaj pasi Kim Kardashian u lidh dhe iu vodhën stoli po në kryeqytetin francez.
Përjetim i tmerrshëm i aktores
40-vjeçarja dhe një mashkull që e shoqëronte kishin arritur pranë banesës kur u sulmuan nga kriminelët që u hodhën gaz lotsjellës dhe i goditën. Më pas, sulmuesit ikën, ndërsa aktorja dhe shoqëruesi i saj i thirrën shërbimet emergjente.
Në bazë të hetimeve të policisë, është fjala për disa imigrantë, të cilët janë përpjekur që të bëjnë vjedhje - njofton Telegrafi.
Ajo është seks-simbol në Indi
Sulmet e këtilla janë një goditje e madhe për imazhin Francës që është akoma në gjendje të emergjencës që nga sulmet terroriste në kryeqytet.
Parisi është qyteti më i popullarizuar turistik në botë, por shtimi i dhunës ka ndikuar në zvogëlimin e numrit të vizitorëve. /Telegrafi/
