I veshur me një këmishë dhe kapelë të zezë, me një pushkë automatike, pistoletë dhe një hanxhar në dorë, 20-vjeçari Kujtim Fejzulai shkrepi një foto të fundit të cilën e postoi në Instagram përpara se të nisej për në Vjenë për të kryer sulmin.
Sipas medieve të huaja, përcjell Telegrafi, të hënën ai vrau katër persona dhe plagosi 22 të tjerë në atë që konsiderohet të jetë sulmi më vdekjeprurës për dekada në kryeqytetin e Austrisë.
Duke lëvizur nëpër qytetin e Vjenës, dhe duke qëlluar ndaj kalimtarëve për nëntë minuta nga ora 20:00, Fejzulai u qëllua për vdekje nga policia.
Sipas dëshmitarëve, ai ishte kthyer për një moment për të qëlluar një nga viktimat e tij për herë të dytë.
Fejzulai i cili u përshkrua nga ministri i brendshëm austriak, Karl Nehammer, si “terrorist islamik”, lindi në qytetin e Vjenës më 24 qershor të vitit 2000, nga prindërit maqedonasë.
“Që nga puberteti, i akuzuari kishte probleme masive në shtëpi, të cilat gjithashtu çuan në ekspozim të dhunës”, thuhej në dokumentet e vitit 2019.
Në kohën kur u bë 18 vjeç, ai kishte tërhequr vëmendjen e agjencisë së brendshme të inteligjencës së Austrisë, duke u bërë i njohur si ndjekës i ideologjisë xhihadiste.
Fejzulai u përpoq të kalonte kufirin nga Turqia në Siri në vitin 2018 por u kap dhe u deportua në Austri, bazuar në deklaratën e shefit të sigurimit në vend, Franz Rufi.
Gjykata penale e Vjenës e pati dënuar Fejzulain me 22 muaj në prill të vitit 2019 pasi u bë anëtar i një organizate terroriste dhe për përhapje të propagandës.
Mirëpo, për shkak të moshës së tij, ai duhej të vuante vetëm një të tretën e dënimit dhe u la i lirë në dhjetor të vitit 2019.
Gjykata e kuptoi që Fejzulai, njëherësh tifoz i futbollit, ishte “mendjehapur dhe reflektues” madje i ‘strukturuar’ mirë nga pikëpamja kognitive.
Dihet pak për jetën e tij pasi u lirua, përveç se mori pjesë në një program “de-radikalizmi”, të cilin ende ishte duke e ndjekur para se të kryente sulmin.
Nikolaus Rast, avokati që përfaqësoi atë gjatë atij gjyqi, tha se ishte shokuar nga lajmi i sulmit, duke thënë se kurrë nuk do ta kishte menduar që i riu do të ishte në gjendje të bënte një gjë të tillë.
Rast tha se e kujtoi klientin e tij si një “shpirt të humbur, e djalosh të vogël, i cili po kërkonte të zinte vend në shoqëri”.
Avokati u shpreh se ai kishte përshtypjen se Fejzulai kishte gjetur rrugën e tij drejt “vlerave të vërteta të shoqërisë”.
“Por padyshim që ai arriti të na mashtrojë të gjithëve”, tha Rast./Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Mallkimi i Faraonit: Mitet dhe realiteti i varreve egjiptiane
Ukrainasit sërish sulmojnë me dron një rafineri nafte në Rusi
Blinken në Tel Aviv: Hamasi duhet të pranojë propozimin për armëpushim
Njeriu më i shkurtër në botë është më i vogël se një shalqi: Hyri në librin Guinness, por jetën nuk e ka aspak të lehtë
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës