Arteta tregon se sa ka shanse Arsenali të shpallet kampion në Ligën Premier këtë edicion

Trajneri i Arsenalit, Mikel Arteta  beson se fitorja 3-1 ndaj Tottenhamit duhet t’u japë lojtarëve të tij besimin se mund të sfidojnë për kreun e tabelës këtë sezon.

Topçinjtë kishin meritë të plotë për fitoren e tyre në derbi, duke marrë hak për fitoren e Tottenhamit në veri të Londrës në maj, i cili dënoi efektivisht kundërshtarët e tyre në Ligën e Evropës.

Ata hapën rezultatin me goditjen e bukur të Thomas Parteyr nga 25 metra dhe, pasi Harry Kane shënoi golin e tij të 14-të në 18 derbi të Londrës veriore nga pika e bardhë, skuadra e Mikel Artetës riktheu epërsinë në pjesën e dytë.

Gabriel Jesus e riktheu epërsinë pas një intervenimi të dobët të Hugo Lloris dhe disa momente pas kartonit të kuq të Emerson, Granit Xhaka e vrau ndeshjen.

“Për mua mesazhi është për lojtarët dhe të gjithë këtu në klub se ne jemi në gjendje të luajmë në këtë nivel kundër këtij lloji të kundërshtarit”, deklaroi spanjolli. “Kjo duhet t’u japë atyre besim”.

“Është e mrekullueshme. Të shikosh tabelën dhe të shohësh klubin në këtë pozicion është fantastike. Padyshim që ju jep një ndjenjë të mrekullueshme. Por, ne jemi të fokusuar”.

“Është një ekip vërtet i uritur dhe modest, më besoni. Nuk është asgjë që ne kemi bërë ende dhe ka ende shumë gjëra për të përmirësuar. Ky është drejtimi që po marrim”.

“Sapo filluam dhe jemi vërtet të kënaqur me vendin ku jemi. Tabela thotë atë që thotë dhe ne nuk e shikojmë atë”.

“Performancë e shkëlqyer, një ditë e mrekullueshme. Ishte një atmosferë e jashtëzakonshme për të luajtur, kështu që unë jam shumë mirënjohës për njerëzit që lidhen me ekipin në një mënyrë kaq të veçantë”.

“Jam vërtet i lumtur sepse është një mundësi për të bërë shumë njerëz të lumtur dhe krenarë dhe mendoj se ne ua kemi ofruar këtë të gjithëve”, ka shtuar më tej Arteta. /Telegrafi/