Nga tërmeti i fuqishëm që goditi sot pjesën perëndimore të Javas në Indonezi, është duke u rritur numri i personave që kanë humbur jetën.

Reklama

Ekipet e shpëtimit janë duke vazhduar operacionin e kërkim-shpëtimit, të atyre që dyshohet se kanë mbetur të ngujuar nën rrënojat e ndërtesave të shembura, transmeton Telegrafi.

Ndërsa deri më tani janë konfirmuar 162 persona që kanë humbur jetën dhe 700 tjerë janë lënduar, në tërmetin që kishte fuqi shkatërruese prej 5.6 shkallë të Rihterit.

Epiqendra e tërmetit ishte pranë qytetit Cianur në pjesën perëndimore të Java, rreth 75 kilometra nga kryeqyteti – Xhakarta.

Në këtë rajon jetojnë 2.5 milionë njerëz, kurse autoritetet thonë se shumë shtëpi kanë mbetur pa energji elektrike, gjë që e ka vështirësuar komunikimin si dhe vazhdimin e operacionit të kërkim-shpëtimit.

Reklama
Reklama

Indonezia ndodhet në të ashtuquajturën unaza e zjarrit në Paqësor, një zonë jashtëzakonisht aktive sizmike ku përplasen pllakat tektonike dhe shkaktojnë tërmet dhe aktivizimin e  vullkaneve të shumta. /Telegrafi/