Arrestohet Agron Gashi, i dyshuari kryesor për plagosjen në Pejë

Policia e Kosovës ende pa u bërë 24 orë, ka arritur të arrestojë Agron Gashin të dyshuarin kryesor për plagosjen e trefishtë që ndodhi të mërkurën në Pejë.

Arrestimin e tij e kanë konfirmuar për Telegrafin kryeprokurori i Prokurorisë Themelore në Pejë, Agim Kurmehaj dhe prokurori Ersan Qavolli.

Qavolli bëri të ditur se i dyshuari është arrestuar pak minuta më parë në qytetin e Pejës.

Edhe policia e Pejës përmes një njoftimi bëri të ditur se pas njё pune intensive operativo-hetimore tё hetueseve tё Sektorit Rajonal pёr Hetime tё mbёshtetur edhe nga njёsitet tjera tё DRP Pejё, sot me datё 23.05.2024, ёshtё arritur tё lokalizohet dhe arrestohet i dyshuari Agron Gashi i lindur me 19.11.2002.

“Personi i dyshuar pas intervistimit nga Hetuesit e Sektorit Rajonal, me urdhër tё Prokurorit tё shtetit ndalohet pёr 48- orё pёr veprën penale “Vrasje e rënd nё tentativё””, ka njoftuar policia.

Në ndërkohë, njëri prej të plagosurve në Pejë është në gjendje të rëndë, përderisa dy të tjerët janë në gjendje stabile.

Lexo po ashtu Policia në kërkim të Agron Gashit, të dyshuarit për plagosjen e mbrëmshme në Pejë

I plagosuri në gjendje kritike është duke u trajtuar në Mjekimin Intensiv në Qendrën Klinike Universitare të Kosovës.

Ndryshe Policia e Kosovës kishte kërkuar ndihmën e qytetarëve për arrestimin e Agron Mentor Gashit, i cili dyshohet për “vrasje të rëndë në tentativë”, që ndodhi të mërkurën në mbrëmje në Pejë.

Në njoftimin për media thuhej se i dyshuari është recidivist i veprave penale./Telegrafi/